05th Dec2017

ລັດຖະມົນຕີ ກະຊວງ ປກສ ເຂົ້າອວຍພອນ ປະທານປະເທດແຫ່ງ ສປປ ລາວ

by somchan

ພົນຕີ ສີແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະພັກ-ຄະນະນຳກະຊວງ ໄດ້ເຂົ້າອວຍພອນສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ ໃນວັນທີ 2 ທັນວາ 2017 ນີ້ ເນື່ອງໃນໂອກາດສະເຫຼີມສະຫຼອງວັນຊາດທີ 2 ທັນວາ ຄົບຮອບ 42 ປີ.

ໂອກາດນີ້ ພົນຕີ ສົມແກ້ວ ສີລາວົງ ໄດ້ຕາງໜ້າຄະນະພັກ-ຄະນະນຳກະຊວງປ້ອງກັນຄວາມສະຫງົບ ກ່າວອວຍພອນໄຊອັນປະເສີດໃຫ້ສະຫາຍເລຂາທິການໃຫຍ່ ປະທານປະເທດ ແຫ່ງ ສປປ ລາວ ພ້ອມດ້ວຍຄອບຄົວ ຈຶ່ງມີແຕ່ຄວາມສຸກ, ຄວາມຈະເລີນ, ມີສຸຂະພາບເຂັ້ມແຂງ, ມີຜົນສຳເລັດໃນໜ້າທີ່ວຽກງານ ສືບຕໍ່ຊີ້ນຳ-ນຳພາປະເທດຊາດ ໃຫ້ມີຄວາມຈະເລີນກ້າວໜ້າ ແລະ ເຕີບໃຫຍ່ເຂັ້ມແຂງ.

ພ້ອມດຽວກັນນີ້ ສະຫາຍ ບຸນຍັງ ວໍລະຈິດ ໄດ້ກ່າວຂອບໃຈ ແລະ ອວຍພອນໄຊອັນປະເສີດ ມາຍັງຄະນະພັກ-ຄະນະນຳກະຊວງ, ຕະຫຼອດຮອດສະມາພັກຊິກ ພະນັກງານ-ນັກຮົບໃນກຳລັງປ້ອງກັນຄວາມສະຫງົບທຸກສະຫາຍ ຈົ່ງມີແຕ່ສຸຂະພາບເຂັ້ມແຂງ, ມີຄວາມຜາສຸກໃນຊີວິດຄອບຄົວ ປະສົບຜົນສຳເລັດໃນໜ້າທີ່ວຽກງານ ພ້ອມກັນເຮັດສຳເລັດໜ້າທີ່ ທີ່ພັກ-ລັດ ແລະ ປະຊາຊົນ ມອບໝາຍໃຫ້ກໍ່ຄືການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ເພື່ອເຮັດໃຫ້ປະເທດມີສະຖຽນລະພາບທາງດ້ານການເມືອງຢ່າງໜັກແໜ້ນ ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ.

 

 

Off

Comments are closed.