10th Sep2019

ລັດຖະມົນຕີ ພົບປະຢ້ຽມຢາມກົມຄົ້ນຄວ້າ ວິທະຍາສາດ ແລະ ປະຫວັດສາດ ກະຊວງ ປກສ

by somchan

ພົນໂທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ພົບປະຢ້ຽມຢາມກົມຄົ້ນຄວ້າ ວິທະຍາສາດ ແລະ ປະຫວັດສາດ ກະຊວງ ປກສ. ໃນວັນທີ 9 ກັນຍາ 2019 ນີ້ ໂດຍການຕ້ອນຮັບຂອງ ພັນເອກ ປອ ມາລາ ວິລະຈິດ ຫົວໜ້າກົມກົມຄົ້ນຄວ້າ ວິທະຍາສາດ ແລະ ປະຫວັດສາດ ປກສ, ພ້ອມດ້ວຍພະນັກງານຫຼັກແຫຼ່ງ ພະນັກງານ-ນັກຮົບພາຍໃນກົມ.

ໃນການພົບປະຢ້ຽມຢາມຂອງທ່ານ ລັດຖະມົນຕີ ກະຊວງ ປ້ອງກັນຄວາມສະຫົງບ ໃນຄັ້ງນີ້ ເພື່ອເປັນການລົງຊີ້ນຳ ໃກ້ຊິດຕິດແທດ ໃນຂົງເຂດວຽກງານຄົ້ນຄວ້າວິທະຍາສາດ ປະຫວັດສາດ ເພື່ອໃຫ້ວຽກງານດັ່ງກ່າວ ມີຄວາມເຕີບໃຫຍ່ເຂັ້ມແຂງ. ໃນໂອກາດນີ້ ທ່ານລັດຖະມົນຕີ ກໍ່ໄດ້ຮັບຟັງການລາຍງານສະພາບການ ແລະ ການປະຕິບັດໜ້າທີ່ວຽກງານໃນໄລຍະຜ່ານມາ ຂອງກົມຄົ້ນຄວ້າ ວິທະຍາສາດ ແລະ  ປະຫວັດສາດ ຈາກທ່ານຫົວໜ້າກົມ. ຈາກນັ້ນ ທ່ານໄດ້ເໜັ້ນໜັກໃຫ້ກົມຄົ້ນຄວ້າ ວິທະຍາສາດ ແລະ ປະຫວັດສາດ ເພີ່ມທະວີການເປັນເສນາທິການໃນການຄົ້ນຄ້ວາ ກຳນົດແຜນ ແລະ ທິດຊີ້ນຳຈາກຂັ້ນເທິງ, ຄົ້ນຄວ້າເນື້ອໃນຄວາມພ້ອມດ້ານຕ່າງໆ, ສືບຕໍ່ຄົ້ນຄວ້າແຜນງົບປະມານການເງິນ, ເຄື່ອງອຸປະໂພກ, ການກໍ່ສ້າງສ້ອມແປງ ແລະ ຊັບສິນພາຫະນະຕ່າງໆ, ປັບປຸງບູລະນະຫໍພິພິທະພັນ ປກສ, ເພື່ອຍົກລະດັບເນື້ອໃນໂຄງລ່າງໃຫ້ໄດ້ມາດຕະຖານ ຂອງຫໍພິພິທະພັນລະດັບຊາດ ແລະ ກ້າວສູ່ລະດັບສາກົນ, ສ້າງວັດຖຸຈຳລອງ, ຮູບພາບວາງສະແດງ ແລະ ຊຸກຍູ້ກົມກອງທ້ອງຖິ່ນສ້າງຫ້ອງວາງສະແດງ, ປະສານສົມທົບກັບກົມກອງທ້ອງຖິ່ນ ຄົ້ນຄວ້າຂຽນປະຫວັດມູນເຊື້ອ ກຳນົດວັນສ້າງຕັ້ງຂອງຕົນ.

Comments are closed.