24th Jun2020

ສະພາແຫ່ງຊາດຊຸດທີ 8 ໄຂກອງປະຊຸມສະໄໝສາມັນເທື່ອທີ 9 ຢ່າງເປັນທາງການ

by somchan

ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ 8 ໄດ້ໄຂຂື້ນຢ່າງເປັນທາງການໃນຕອນເຊົ້າວັນທີ 24 ມີຖຸນາ 2020 ນີ້ ພາຍໃຕ້ການເປັນປະທານຂອງ ທ່ນ ນາງ ປານີ ຢ່າທໍ່ຕູັ ປະທານສະພາແຫ່ງຊາດ ເປັນກຽດເຂົ້າຮ່ວມມີ ທ່ານ ບຸນຍັງ ວໍລະຈິດ ປະທານປະເທດ ແລະ ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍບັນດາສະມາຊິກສະພາແຫ່ງຊາດ ຈາກບັນດາເຂດເລືອກຕັ້ງໃນທົ່ວປະເທດ ແລະ ແຂກຖືກເຊີນເຂົ້າຮ່ວມ.

ໃນໂອກາດດັ່ງກ່າວນີ້ ທ່ານ ນາງ ປານີ ຢ່າທໍ່ຕູັ ປະທານກອງປະຊຸມ ໄດ້ກ່າວສູນທອນພົດໄຂການດຳເນີນກອງປະຊຸມ ສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ 8 ຢ່າງເປັນທາງການ ເຊີ່ງທ່ານໄດ້ຍົກໃຫ້ເຫັນບັນດາຫົວຂໍ້ຂອງແຕ່ລະບັນຫາທີສຳຄັນ ທີ່ຈະໄດ້ຮັບຟັງ ສາຍງານແລະຄົ້ນຄ້ວາພິຈາລພະນາຮັບຮອງເອົາ ພາຍໃນໄລຍະເວລາ 7 ວັນ ຂອງການດຳເນີນກອງປະຊຸມຄື ລະຫວ່າງວັນທີ 24 ມີຖຸນາ ຫາວັນທີ 2 ກໍລະກົດ 2020 ເຊີ່ງເນື້ອໃນບາງຕອນທ່ານກ່າວວ່າ:

ໂອກາດດຽວກັນນີ້, ທ່ານທອງລຸນ ສີສຸລິດ ນາຍົກລັດຖະມົນຕີ ກໍ່ໄດ້ລາຍງານກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດສັງຄົມ, ແຜນງົບປະມານແຫ່ງລັດ, ແຜນເງີນຕາ 5 ເດືອນ, ການຄາດຄະເນ 6 ເດືອນຕົ້ນປີ ແລະ ທິດທາງວຽກງານຈຸດສຸມ 6 ເດືອນທ້າຍປີ 2020 ຂອງລັດຖະບານ, ຈາກນັ້ນບັນດາສະມາຊິກສະພາແຫ່ງຊາດຈາກເຂດເລືອກຕັ້ງຕ່າງໆ ກໍ່ໄດ້ປະກອບຄຳເຫັນ ຢ່າງກົງໄປກົງມາຕໍ່ບົດລາຍງານຂອງລັດຖະບານ, ເພື່ອແລກປ່ຽນແລະຊັກຖາມຕໍ່ເນືອໃນບາງບັນຫາ ທີ່ສະມາຊິກສະພາແຫ່ງຊາດ ແລະ ສັງຄົມມີຄວາມສົນໃຈເພີມໃຫ້ລັດຖະບານອະທິບາຍຊີ້ແຈັງ ສ່ວນວາລະການດຳເນີນກອງປະຊຸມສະໄໝສາມັນເທືອທີ 9 ຂອງສະພາແຫ່ງຊາດຊຸດທີ 8 ໃນຕອນບ່າຍມື້ນີແມ່ນສືບຕໍ່ການປະກອບຄຳເຫັນ ຂອງບັນດາສະມາຊິກສະພາແຫ່ງຊາດຈາກເຂດເລືອກຕັ້ງຕ່າງໆທົ່ວປະເທດຕໍ່ເນືອໃນບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານແຫ່ງລັດ ແຜນເງີນຕາ 5 ເດືອນ, ການຄາດຄະເນ 6 ເດືອນ ຕົ້ນປີ ແລະ ທິດທາງວຽກງານຈຸດສຸມ 6 ເດືອນ ທ້າຍປີ 2020 ຫຼັງຈາກນັ້ນກໍ່ຈະໄດ້ມີການຊີ້ແຈັງ ຕໍ່ບັນຫາທີສະມາຊິກສະພາແຫ່ງຊາດມີຄວາມສົນໃຈ ໂດຍບັນດາກະຊວງທີກ່ຽວຂ້ອງ ທີ່ຕາງໜ້າລັດຖະບານ.

Off

Comments are closed.