09th Sep2019

ສະມາຄົມໃຈເຖິງໃຈຮັບໃຊ້ສັງຄົມຮ່ວມກັບ ທິມເຕະບານລາວຊິງເກີຄັບຈັດກິດຈະກຳ ຮັບເຄື່ອງໄປຊ່ວຍຜູ້ປະສົບໄພນ້ຳຖ້ວມຢູ່ 4 ແຂວງພາກໃຕ້

by somchan

ສະມາຄົມໃຈເຖິງໃຈຮັບໃຊ້ສັງຄົມ ຮ່ວມກັບທິມເຕະບານລາວຊິງເກີຄັບ ໄດ້ຈັດກິດຈະກຳຮັບເຄື່ອງຊ່ວຍເຫຼືອເພື່ອນຳໄປຊ່ວຍຜູ້ປະສົບໄພນ້ຳຖ້ວມຢູ່ 4 ແຂວງພາກໃຕ້ ໃນວັນທີ 6 ກັນຍານີ້ ຢູ່ທີ່ຮ້ານອາຫານຕຸກຕິກ ບ້ານໂພນທັນ ເມືອງສີສັດຕະນາກ ນະຄອນຫຼວງວຽງຈັນ

ເຊິ່ງການສ້າງກິດຈະກຳໃນຄັ້ງນີ້ນຳໂດຍ ທ່ານ ຕີນ້ອຍ ນໍ່ລະສິງ ຮອງປະທານທິມເຕະບານລາວຊິງເກີຄັບ ແລະ ທ່ານ ຄຳເພັດ ເຮືອງຜຸລີ ປະທານສະມາຄົມໃຈເຖິງໃຈ ຮັບໃຊ້ສັງຄົມ, ການສ້າງກິດຈະກຳຮັບເອົາເຄື່ອງຊ່ວຍເຫຼືອ ຈາກຜູ້ມີນ້ຳໃຊຢາກຊ່ວຍເຫຼືອພີ່ນ້ອງຜູ້ປະສົບໄພນ້ຳຖ້ວມຢູ່ 4 ແຂວງພາກໃຕ້ ເພື່ອເປັນການແບ່ງເບົາຄວາມທຸກ ແລະ ໃຫ້ກຳລັງໃຈປະຊາຊົນໃຫ້ກ້າວຜ່ານ ຄວາມຫຍຸ້ງຍາກຈາກໄພພິບັດໃນຄັ້ງນີ້ໄປໄດ້ດ້ວຍດີ.ສຳລັບ ກິດຈະກຳໃນຄັ້ງນີ້ແມ່ນເລີ່ມແຕ່ວັນທີ 6-8 ກັນຍາ 2019 ນີ້.

ໃນໂອກາດດັ່ງກ່າວ ທ່ານ ຕີນ້ອຍ ນໍ່ລະສິງ ຮອງປະທານທິມເຕະບານລາວຊິງເກີຄັບ ໄດ້ໃຫ້ສຳພາດຕໍ່ກັບສື່ວິທະຍຸປ້ອງກັນຄວາມສະຫງົບ.

Comments are closed.