10th Jun2019

ການແກ້ໄຂບັນຫາເສດຖະກິດພຶ້ນຖານ ໂຄງລ່າງ ໃຫ້ມີການເຕີບໃຫຍ່ຂະຫຍາຍຕົວ.

by somchan

ໃນວາລະການດຳເນີນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ 8 ,ໃນວັນທີ 7 ມິຖຸນາ 2019 ພາຍໃຕ້ການເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ບັນດາສະມາຊິກ ສະພາແຫ່ງຊາດຈາກເຂດເລືອກຕັ້ງຕ່າງໆ ໄດ້ຮັບຟັງການຊີ້ແຈງຕໍ່ກັບຄຳຖາມເຈາະຈີ້ມ, ການປະກອບຄຳເຫັນ ແລະ ຂໍ້ສະເໜີຕ່າງໆຂອງສະພາແຫ່ງຊາດ ແລະ ສະມາຊິກສະພາແຫ່ງຊາດ

ຈາກພະນະທ່ານ ທອງລຸນ ສີສຸລິດ ນາຍຍົກລັດຖະມົນຕີ ເຊິ່ງທ່ານໄດ້ກ່າວວ່າ: ການແກ້ໄຂບັນຫາທາງດ້ານເສດຖະກິດພື້ນຖານໂຄງລ່າງ, ເຊິ່ງເປັນພື້ນຖານອັນສຳຄັນໃນການພັດທະນາເສດຖະກິດສັງຄົມຂອງປະເທດ ກໍ່ຄື ການພັດທະນາທາງດ້ານຊີວິດການເປັນຢູ່ຂອງປະຊາຊົນໃຫ້ນັບມື້ດີຂື້ນ, ມີການເຕີບໃຫ່ຍຂະຫຍາຍຕົວ, ພັກ-ລັດຖະບານໄດ້ປຸກລະດົມບັນຫາຫົວໜ່ວຍທຸລະກິດທັງພາກລັດ ແລະ ເອກະຊົນໃຫ້ລົງໄປພັດທະນາ ເຂດຊົນນະບົດ ພ້ອມທັງຊຸກຍູ້ປະຊາຊົນບັນດາເຜົ່າ, ໃຫ້ມີຜະລິດຕະພັນທີ່ເປັນເອກະລັກຂອງຊົນເຜົ່າຕົນເອງ ພ້ອມທັງປັບປຸງໃຫ້ມີຄຸນນະພາບສູງຂື້ນ ແລະ ສາມາດຕອບສະໜອງສິນຄ້າປະເພດຕ່າງໆ ໃຫ້ໄດ້ອອກສູ່ ຕະຫຼາດທັງພາຍໃນ ແລະ ຕ່າງປະເທດ, ເປັນການສ້າງວຽກເຮັດງານທຳໃຫ້ປະຊາຊົນ, ເພີ່ມລາຍຮັບໃຫ້ກັບຄອບຄົວ ເຮັດໃຫ້ຊີວິດການເປັນຢູ່ນັບມື້ດີຂື້ນເທື່ອລະກ້າວ ແລະ ຫຼຸດພົ້ນຈາກຄວາມດ້ອຍການພັດທະນາຢ່າງແທ້ຈິງ.

 

Off

Comments are closed.