21st Jan2016

ສະຫາຍ ສົມສະຫວາດ ເລັ່ງສະຫວັດ ຕີລາຄາສູງກ່ຽວກັບການຈັດຕັ້ງປະຕິບັດ ມະຕີ 9 ຂອງພັກ

by somchan

ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 10 ຂອງພັກປະຊາຊົນ ປະຕິວັດລາວ ໄດ້ຮັບຟັງການລາຍງານຜົນຂອງການ ຈັດຕັ້ງປະຕິບັດມະຕິ 9 ຂອງພັກປະຊາຊົນ ປະຕິວັດລາວ ໂດຍແຕ່ລະວຽກງານ ສາມາດຜັນຂະຫຍາຍແນວທາງ ແລະ ປະຕິບັດຢ່າງມີປະສິດທິຜົນສູງ.

ໃນໂອກາດກອງປະຊຸມດັ່ງກ່າວ ສະຫາຍ ສົມສະຫວາດ ເລັ່ງສະຫວັດ ກຳມະການກົມການເມືອງສູນການພັກ ຮອງນາຍົກລັດຖະມົນຕີແຫ່ງ ສປປລາວ ທັງເປັນຄະນະຜູ້ແທນ ແລະ ປະທານເລຂານຸການຈັດກອງປະຊຸມໃນຄັ້ງນີ້ ໄດ້ຕີລາຄາສູງກ່ຽວກັບການຈັດຕັ້ງປະຕິບັດມະຕີ 9ຂອງພັກ ໃນໄລຍະ 5 ປີຜ່ານມາ. ບົນພື້ນຖານດັ່ງກ່າວໄດ້ເຮັດໃຫ້ປະເທດຊາດມີຄວາມສະຫງົບ, ມີສະຖຽນລະພາບທາງດ້ານການເມືອງ, ມີຄວາມໝັ້ນຄົງ ແລະ ເສດຖະກິດກໍ່ມີການພັດທະນາຂະຫຍາຍຕົວຢ່າງຕໍ່ເນື່ອງ.

ສະຫາຍຍັງໄດ້ກ່າວຕື່ມອີກວ່າ: ຍ້ອນມີພັກປະຊາຊົນ ປະຕິວັດລາວມີແນວທາງນະໂຍບາຍທີ່ຖືກຕ້ອງ ແລະ ສະຫຼາດສ່ອງໄສ ຈິ່ງເຮັດໃຫ້ປະຊາຊົນລາວບັນດາເຜົາດຳລົງຊີວິດຢ່າງມີຄວາມຄວາມສະຫງົບປອດໄພ, ມີການເປັນຢູ່ທີ່ດີຂຶ້ນ, ສັງຄົມມີຄວາມເປັນລະບຽບຮຽບຮ້ອຍ ແລະ ປະເທດຊາດກໍ່ມີຄວາມກ້າວໜ້າຈະເລີຍຮຸ່ງເຮື່ອງຂຶ້ນເລື່ອຍໆ.

Off

Comments are closed.