12th Feb2018

ສະຫຼູບປ້ອງກັນໂຄງການກໍ່ສ້າງທາງລົດໄຟ ລາວ-ຈີນ

by somchan

ກະຊວງ ປກສ ໄດ້ຈັດກອງປະຊຸມສະຫຼູບຜົນງານ ການຈັດຕັ້ງປະຕິບັດຄຳສັ່ງຂອງລັດຖະມົນຕີ ກະຊວງປ້ອງກັນຄວາມສະຫງົບວ່າດ້ວຍການນຳ ກຳລັງເຂົ້າປ້ອງກັນໂຄງການກໍ່ສ້າງທາງລົດໄຟ ລາວ-ຈີນ ປະຈຳຢູ່ 5 ແຂວງ ໃນວັນທີ່ 9 ກຸມພາ 2018 ພາຍໃຕ້ການເປັນປະທານຂອງ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງ ປ້ອງກັນຄວາມສະຫງົບ ທັງເປັນຫົວໜ້າອະນຸກຳມະການປ້ອງກັນໂຄງການ ກໍ່ສ້າງທາງລົດ ໄຟລາວ-ຈີນ, ມີບັນດາຄະນະພັກ ກົມໃຫ່ຍ, ກົມກອງອ້ອມຂ້າງ ແລະ ບັນດາອານຸກຳມະການເຂົ້າຮ່ວມ. 

ພັທ ວິທອງ ພົມທະວີ ຮອງຫົວໜ້າກົມເສນາທິການກົມໃຫ່ຍພາລາທິການ ກະຊວງ ປກສ ຫົວໜ້າກອງເສນາຊ່ວຍວຽກປ້ອງກັນໄດ້ສະຫຼູບການຈັດຕັ້ງປະຕິບັດຄຳສັ່ງຂອງລັດຖະມົນຕີກະຊວງ ປກສ ວ່າດ້ວຍການ ນຳກຳ ລັງເຂົ້າປ້ອງກັນໂຄງການກໍ່ສ້າງທາງລົດໄຟລາວ-ຈີນປະຈຳຢູ່ 5 ແຂວງນັບແຕ່ວັນທີ່ 1 ກັນຍາ 2017 ເຖີງປະຈຸບັນເຊີ່ງໃນໄລຍະຜ່ານມາ ກະຊວງປ້ອງກັນຄວາມສະຫງົບໄດ້ປະສານສົມທົບກັບບ້ນດາກອງບັນຊາການ ທະຫານແຂວງ, ເມືອງ, ກອງພົນ ແລະ ພາກສ່ວນທີ່ກ່ຽວຂ້ອງເພື່ອກວດກາຈຸດປ້ອງກັນທັງໝົດແລັວແບ່ງຄວາມຮັບຜິດຊອບໃຫ້ສອງກຳລັງປ້ອງກັນຊາດ ແລະ ປ້ອງກັນຄວາມສະຫງົບຮັບຜິດຊອບ ແລະ ໄດ້ສົມທົບກັບບັນດາ ປກສ ແຂວງກຳນົດຈຸດຕັ້ງແຄ້ມ ແລະ ປ້ອມຍາມໃຫ້ກຳລັງປ້ອງກັນ, ສະເພາະກຳລັງປ້ອງກັນຄວາມສະຫງົບທາງສູນກາງ ແລະ ທ້ອງຖີ່ນມີ 531 ຄ້ງ, ແຂວງວຽງຈັນມີ 11 ຈຸດ, ແຂວງຫຼວງພະບາງມີ 7 ຈຸດ, ແຂວງອຸດົມໄຊມີ 12 ຈຸດ ແລະ ແຂວງຫຼວງນ້ຳທາມີ 4 ຈຸດ. ກຳລັງປ້ອງກັນຄວາມສະຫງົບແຕ່ລະສະຫາຍແມ່ນໄດ້ເອົາໃຈໃສ່ປະຕິບັດໜ້າທີ່ປ້ອງກັນ ແລະ ໄດ້ຮັບການຝືກອົບຮົມວຽກງານວິຊາສະເພາະ ມີຄວາມ ພ້ອມປະກອບສ່ວນເຮັດໜ້າທີ່ວຽກງານປ້ອງກັນ ແລະ ກຽມພ້ອມປະຕິບັດທຸກມະຕິຄຳສັ່ງຂອງຂັ້ນເທີງໂດຍສະເພາະການເຂົ້າປ້ອງກັນໂຄງການກໍ່ສ້າງທາງລົດໄຟລາວ-ຈີນຢູ່ 5 ແຂວງທີ່ກ່ຽວຂ້ອງ, ກຳລັງປ້ອງກັນຊາດ-ປ້ອງກັນຄວາມສະຫງົບມີຄວາມເປັນເອກກະພາບກັນ, ມີການແລກປ່ຽນຂໍ້ມູນຂ່າວສານ, ມີແຜນການ, ມີການປະຊຸມປືກສາຫາລືລະຫວ່າງສອງກະຊວງເປັນປະຈຳ, ຜ່ານການລົງຕິດຕາມກຳລັງປ້ອງກັນແຕ່ລະຈຸດຢູ່ບັນດາ ປກສ ແຂວງທີ່ກ່ຽວຂ້ອງເຫັນໄດ້ວ່າໄດ້ຮັບການຮ່ວມມືເປັນຢ່າງດີ ແລະ ໄດ້ສົມທົບກັບຄະນະບັນຊາຢູ່ທ້ອງຖີ່ນລົງພື້ນທີ່ແຕ່ລະຈຸດປ້ອງກັນທີ່ກຳນົດໄວ້ ໃນແຜນແມ່ບົດປ້ອງກັນລວມຂອງກະຊວງ ປກສ ຢ່າງເປັນລະບົບ, ນັບແຕ່ເອົາກຳລັງເຂົ້າປ້ອງກັນມາເຖີງປະຈຸບັນ ສະພາບໂດຍລວມແມ່ນຮັກສາໄດ້ຄວາມສະຫງົບໂດຍພື້ນຖານ.

Off

Comments are closed.