11th Jan2019

ສະເຫຼີມສະຫຼອງວັນສ້າງຕັ້ງກຳລັງປ້ອງກັນ ທີ່ຕັ້ງ ຄົບຮອບ 25 ປີ

by somchan

ໃນວັນທີ່ 10 ມັງກອນ ນີ້ ກອງບັນຊາການປ້ອງກັນທີ່ຕັ້ງ ກະຊວງປ້ອງກັນຄວາມສະຫງົບ ໄດ້ສະເຫຼີມສະຫຼອງວັນສ້າງຕັ້ງກຳລັງປ້ອງກັນທີ່ຕັ້ງ ຄົບຮອບ 25 ປີ ໂດຍການເປັນກຽດເຂົ້າຮ່ວມຂອງ ພົຕ ສີນທະວົງ ໄຊຍະກອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີຄະນະກອງບັນຊາການ, ຄະນະພັກ-ຄະນະບັນຊາ, ພະນັກງານຫຼັກແຫຼ່ງ, ພະນັກງານອາວຸດໂສບຳນານ ແລະ ແຂກຖືກເຊີນເຂົ້າຮ່ວມ.

ພົອ ບົວພັນ ຍໍລະວົງສາ ຄະນະພັກກະຊວງຫົວໜ້າກອງບັນຊາການປ້ອງກັນທີ່ຕັ້ງເຕີມໃຫ່ຍຂະຫຍາຍຕົວມາຈາກກອງພັນ 15 ກອງທັບປົດປ່ອຍປະຊາຊົນລາວທີ່ຕິດພັນກັບຂະບວນການຕໍ່ສູ້ຕ້ານຈັກກະພັດຜູ້ຮຸກຮານທັງເກົ່າແລະໃໝ່ໄດ້ເຄື່ອນໄຫວຢືນຢູ່ຄຽງຂ້າງກັບສູນກາງພັກກັບກຳລັງປ້ອງກັນຄວາມສະຫງົບເຮັດໜ້າທີ່ຂົນຂວາຍ ປະຊາຊົນເຂົ້າໃນການປົກປັກຮັກສາໝາກຜົນຂອງການປະຕິວັດ, ຕະຫຼອດໄລຍະ 25 ປີ ແຫ່ງການປະຕິບັດໜ້າທີໄດ້ຮັບມອບໝາຍ ຄະນະພັກ-ຄະນະບັນຊາ ແລະ ພະນັກງານ-ນັກຮົບກຳລັງປ້ອງກັນທີ່ຕັ້ງໄດ້ທັບມ້າງກົນອຸບາຍເລລ່ຽມກຸ່ມຄົນບໍ່ດີ ການກໍ່ອາສະຍາກຳອື່ນໆ ແລະ ສະກັດກັ້ນຕອບຕ້ານຢ່າງທັນການສາມາເຮດໜ້າທີ່ ປ້ອງກັນຜູ້ນຳພັກ-ລັດແຂກພາຍໃນ ແລະຕ່າງປະເທດປ້ອງກັນກອງປະຊຸມລະດັບຊາດ,ພາກພື້ນ ແລະ ສາກົນ,ສຳນັກງານ,ອົງການ,ກະຊວງອົງການທຽບເທົ່າ,ກິດຈະການກໍ່ສ້າງ,ວັດທະນາທຳແຫ່ງຊາດ,ອົງການຈັດຕັ້ງສາກົນ,ສະຖານທູດ,ອົງການຕ່າງໜ້າປະຈຳຢູ່ ສປປ ລາວ ມີຄວາມປອດໄພໂດຍພື້ນຖານ,ກຳລັງປ້ອງກັນທີ່ຕັ້ງກ້າວຂື້ນຢ່າງໜັກແໜ້ນສາມາດຍາດໄດ້ໄຊຊະນະແລະໝາກຜົນອັນພົ້ນເດັ່ນຫຼາຍດ້ານ ສະແດງອອກໄດ້ແກ້ໄຂຄວາມບໍ່ສະຫງົບໃນຂອບເຂດຮັບຜິດຊອບ,ຂີ່ລົດກວນເມືອງ,ສຸມໃສ່ປະຕິບັດໜ້າທີ່ວິຊາສະເພາະປ້ອງກັນຈຸດທີ່ຕັ້ງສຳຄັນຂອງພັກ-ລັດປະຕິບັດຕາມແຜນການມອບໝາຍຈາກກະຊວງປ້ອງກັນຄວາມສະຫງົບ ເອົາກຳລັງເຂົ້າປ້ອງກັນຈຸດຍຸດທະສາດສຳຄັນຕ່າງໆມີ 113 ຈຸດ ຕະຫຼອດໄລຍະຜ່ານມາກຳລັງປ້ອງກັນທີ່ຕັ້ງໄດ້ປະກອບສ່ວນມີຜົນງານໃນການປົກປັກຮັກສາແລະສ້າງສາພັດທະນາປະເທດຊາດຢ່າງຕໍ່ເນື່ອງເຊີ່ງເຮັດໃຫ້ປະເທດຊາດມີຄວາມສະຫງົບ,ມີຄວາມໝັ້ນຄົງ,ມີຄວາມເປັນລະບຽບຮຽບຮ້ອຍ,ສາກົນມີຄວາມເຊື່ອໝັ້ນຕໍ່ ສປປລາວ ຫຼາຍຂື້ນໄດ້ຮັບການຍ້ອງຍໍຈາກພັກ-ລັດ ຄື້: ໄດ້ຮັບຫຼຽນໄຊອິດສະຫຼະ ຊັ້ນ II 2 ໜ່ວຍ, ຊັ້ນ III 4 ໜ່ວຍ, ຫຼຽນໄຊພິລະອາດຫານ ຊັ້ນ II 1 ໜ່ວຍ, ຫຼຽນໄຊພິລະອາດຫານ ຊັ້ນ III 3 ໜ່ວຍ, ຫຼຽນໄຊປະຕິວັດສະນະເລີດ 1 ໜ່ວຍ, ຫຼຽນໄຊມິດຕະພາບລາວ-ຫວຽດນາມ 1 ໜ່ວຍ, ຫຼຽນໄຊແຮງງານ ຊັ້ນ I 1 ໜ່ວຍ ,ຊັ້ນ II 3 ໜ່ວຍ, ຊັ້ນ I 5 ໜ່ວຍດ ຫຼຽນແຮງງານ 4 ໜ່ວຍ ແລະ ໃບຍ້ອງຍໍຂັ້ນຕ່າງໆອີກຈຳນວນຫຼວງຫຼາຍ.

ໂອກາດນີ້ ພົນຕີ ສີນທະວົງ ໄຊຍະກອນ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ໂອລົມ ແລະ ໃຫ້ທິດຊີ້ນຳ ເຊີ່ງກ່ອນອື່ນ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີກອງບັນຊາການປ້ອງກັນທີ່ຕັ້ງຍາດມາໄດ້ຕະຫຼອດ 25 ປີຜ່ານມາ ພ້ອມທັງເນັ້ນໜັກໃຫ້ ຄະນະພັກ-ຄະນະບັນຊາຕ້ອງໄດ້ເພີມທະວີການຄຸມຄອງ ກຳລັງພົນຂອງເລົ່າລົບວິຊາສະເພາະຕ່າງໆໃນການປະຈຳການກຽມພ້ອມສູ້ຮົບໃຫ້ເຂັ້ມງວດ,ພະນັກ ງານບັນຊາແຕ່ລະຂັ້ນຕ້ອງເພີມທະວີການຕິດຕາມກວດກາໃກ້ຊິດຕິດແທດກັບພະນັກງານ-ນັກຮົບ, ຕ້ອງມີການຄົ້ນຄິດ-ຄົ້ນຄ້ວາປັກປຸງກົນລະຍຸດ-ຍຸດທະວິທີ ໃນການວາງແຜນປ້ອງກັນສະກັດກັ້ນການກໍ່ຄວາມບໍ່ສະຫງົບຮູບແບບຕ່າງໆຢູ່ໃນສັງຄົມ.

Off

Comments are closed.