14th Mar2019

ສະເຫຼີມສະຫຼອງວັນສ້າງຕັ້ງກຳລັງສັນຕິບານ ຄົບຮອບ 56 ປີ

by somchan

ພິທີສະເຫຼີມສະຫຼອງວັນສ້າງຕັ້ງກຳລັງສັນຕິບານ ຄົບຮອບ 56 ປີ ໄດ້ຈັດໃນວັນທີ 13 ມີນາ ນີ້ ທີ່ກະຊວງປ້ອງກັນຄວາມສະຫງົບ ໂດຍການເປັນກຽດເຂົ້າຮ່ວມຂອງ ພົຕ ປອ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີຄະນະກົມ, ພະນັກງານປະຕິວັດອາວຸໂສບຳນານ, ແຂກຖືກເຊີນ, ພະນັກງານຫຼັກແຫຼ່ງທົ່ວກຳລັງສັນຕິບານເຂົ້າຮ່ວມ.

ພົຈວ ບຸນມີ ແສງຄຳຢອງ ຫົວໜ້າກົມໃຫ່ຍສັນຕິບານ ໄດ້ກ່າວວ່າ: ວັນທີ 13 ມີນາ 1963 ເປັນວັນທີ່ມີຄວາມໝາຍສຳຄັນທີ່ສຸດສຳລັບສະມາຊິກ, ນາຍ ແລະ ພົນຕຳຫຼວດໃນກຳລັງສັນຕິບານທົ່ວປະເທດ ເພາະວ່າກຳລັງສັນຕິບານແມ່ນກຳລັງທີ່ໄວ້ເນື້ອເຊື່ອໃຈຂອງພັກ, ເປັນກຳລັງທີ່ເຮັດໜ້າທີ່ປ້ອງກັນການນຳພັກ ແລະ ລັດ ຮັບປະກັນຄວາມໜັ້ນຄົງຂອງຊາດ, ສະກັດກັ້ນຕໍ່ຕ້ານທຸກເລ່ຫຼ່ຽມກົນອຸບາຍຂອງກຸ່ມຄົນບໍ່ດີທີ່ຫວັງມ້າງເພ, ແບ່ງແຍກສ້າງຄວາມປັ່ນປ່ວນກໍ່ຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍຂອງສັງຄົມ, ກຳລັງສັນຕິບານນັບແຕ່ມື້ສ້າງຕັ້ງຂື້ນໄດ້ເປັນເຈົ້າການເຄື່ອນໄຫວວຽກງານປ້ອງກັນຄວາມສະຫງົບທາງການເມືອງ ປະກອບສ່ວນອັນໃຫ່ຍຫຼວງໃນພາລະກິດປົດປ່ອຍຊາດດ ປົກປັກຮັກສາ  ແລະ ສ້າງສາປະເທດຊາດ, ປະເຊີນໜ້າໂດຍກົງກັບບັນດາອິດທິກຳລັງປໍລະປັກ, ໃນທຸກສະຖານທີ່, ທຸກເວລາ, ເປັນກຳລັງທີ່ໃກ້ຊິດຕິດແທດ ແລະ ຈົ່ງຮັກພັກດີຕໍ່ຊາດຕໍ່ປະຊາຊົນບັນດາເຜົ່າ ແລະ ເປັນກຳລັງທີ່ໄດ້ຮັບການຊີ້ນຳ-ນຳພາເດັດຂາດໂດຍກົງ ແລະ ຮອບດ້ານຂອງພັກປະຊາຊົນປະຕິວັດລາວໄດ້ອຸທິດຊີວິດເລືອດເນື້ອເຫື່ອແຮງເພື່ອຄວາມສະຫງົບສຸກຂອງປະຊາຊົນບັນດາເຜົ່າຕະຫຼອດມາ. ກຳລັງສັນຕິບານ ມີພາລະບົດບາດ ໜ້າທີ່ເປັນເສນາທິການໃຫ້ກະຊວງປ້ອງກັນຄວາມສະຫງົບ ກຳແໜ້ນສອງໜ້າທີ່ຍຸດທະສາດຂອງພັກ, ກຳລັງສັນຕິບານໄດ້ພ້ອມກັບປະຊາຊົນບັນດາເຜົ່າດຳເນີນພາລະກິດປະຕິວັດປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ, ເປັນກຳລັງຫຼັກແຫຼ່ງໃນການຫັນລົງກໍ່ສ້າງຮາກຖານການເມືອງ, ພັດທະນາຊົນນະບົດຕາມ 4 ຄາດໝາຍ 4 ເນື້ອໃນຂອງພັກວາງອອກ ປະກອບສ່ວນເຮັດໃຫ້ສະພາບຢູ່ຮາກຖານໄດ້ມີຄວາມສະຫງົບ ປະເທດຊາດໄດ້ມີສະຖຽນລະພາບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ ແລະ ປອດໄພ ອັນໄດ້ສ້າງເງື່ອນໄຂເອື້ອອຳນວຍຄວາມສະຫງົບໃຫ້ແກ່ການພັດທະນາເສດຖະກິດ-ສັງຄົມຂອງຊາດໄດ້ຂະຫຍາຍຕົວຢ່າງຕໍ່ເນື່ອງ, ກຳລັງສັນຕິບານໄດ້ສືບຕໍ່ປັບປຸງຕົນເອງ,ສ້າງກຳລັງໃຫ້ມີຄວາມປອດໃສ, ກາຍເປຫຫນກຳລັງໄວ້ເນື້ອເຊື່ຶອໃຈຂອງພັກ ແລະ ຂອງປະຊາຊົນລາວບັນດາເຜົ່າ, ເຄື່ອນໄຫວເຮັດໜ້າທີ່ປ້ອງກັນເພື່ອຮັບປະກັນຄວາມປອດໄພໃຫ້ແກ່ກຳລັງປະຕິວັດ ແລະ ທັງຂົນຂວາຍກໍ່ສ້າງຮາກຖານການເມືອງຢ່າງຮອບດ້ານ.

Comments are closed.