12th Sep2019

ສານຕັດສິນປະຫານຊີວິດ ຜູ້ກໍ່ເຫດຄາດຕະກຳ ແລະ ຂົ່ມຂືນທຳຊຳເລົາ

by somchan

ໃນອາທິດຜ່ານມານີ້ ສານປະຊາຊົນແຂວງອຸດົມແຂວງ ໄດ້ຕັດສິນລົງໂທດ ທ້າວຍົມ ຫຼືເທາະ ອາຍຸ 19 ປີ ໃນຂໍ້ຫາຄາດຕະກຳ ແລະ ຂົ່ມຂືນທຳຊຳເລົາ ແລະ ຕັດສິນລົງໂທດ ທ້າວລັງອາຍຸ 60 ປີ ໃນຂໍ້ຫາປິດບັງການກະທຳຜິດ. ເຊິ່ງທັງສອງເປັນພໍ່ລູກກັນ ຢູ່ບ້ານພູສອນ, ເມືອງຮຸນ ແຂວງອຸດົມໄຊ ຖືກເຈົ້າໜ້າທີ່ກັກຕົວໄດ້ໃນວັນທີ 18 ຕຸລາ 2018.

ຄືໃນວັນທີ 13 ຕຸລາ 2018 ທ້າວຍົມ ຫຼື ເທາະ ໄດ້ຂົ່ມຂືນນາງ ນາງ ສໍ ແລະ ນາງ ທໍ (ນາມສົມມຸດ) ຢູ່ບ້ານດຽວກັນກັບຜູ້ກ່ຽວ ຫຼັງຈາກນັ້ນກໍ່ໄດ້ຄາດຕະກຳທັງສອງຢ່າງໂຫດຮ້າຍປ່າເຖື່ອນ, ສ່ວນທ້າວລັງຜູ້ເປັນພໍ່ ແມ່ນໄດ້ປົກປິດການກະທຳຜິດຂອງທ້າວຍົມ ຫຼືເທາະ. ຈົນມາຮອດວັນທີ 18 ຕຸລາ 2018 ຈຶ່ງຖືກເຈົ້າໜ້າທີ່ກັກຕົວໄດ້.

ຜ່ານການຄົ້ນຄ້ວາພິຈາລະນາຄະດີ ແລະ ຄຳຮັບສາລະພາບຂອງຈຳເລີຍ ຄະນະສານອາຍາ ສານປະຊາຊົນ ແຂວງອຸດົມໄຊ ຈຶ່ງໄດ້ຕັດສິນລົງໂທດປະທານຊີວິດ ທ້າວຍົມ ຫຼືເທາະ ພ້ອມທັງໃຊ້ແທນຄ່າປົວແປງຈິດໃຈ, ຄ່າມ້ຽນຄາບສົ່ງສະການ ແລະ ສິ້ນເປືອງຕ່າງໆ ໃຫ້ກັບຄອບຄົວພວກເສຍຊີວິດ 130 ລ້ານກີບ ແລະ ຕັດສິນລົງໂທດທ້າວລັງ ຕັດອິດສະລະພາບ 2 ປີ, ປັບໃໝ 2 ລ້ານກີບ.

Comments are closed.