06th Jan2020

ສາພາປະຊາຊົນເຂດ 17 ມອບລົດມອດໄຟ 1 ຄັນ ໃຫ້ ປກສ ແຂວງອັດຕະປື

by somchan

ສາພາປະຊົນເຂດເລືອກຕັ້ງທີ 17 ແຂວງອັດຕະປື ໄດ້ມອບລົດມອດໄຟຈຳນວນ 1 ຄັນ ໃຫ້ກອງບັນຊາການ ປກສ ແຂວງ ເພື່ອນຳໃຊ້ໃນວຽກງານວິຊາສະເພາະຂອງກຳລັງ ປກສ, ໃນວັນທີ 31 ທັນວາ 2019 ໂດຍການເຂົ້າຮ່ວມຂອງທ່ານ ເພັດແກ້ວ ເຮືອງປັນຍາ ກຳມະການພັກແຂວງ ປະທານສາພາປະຊາຊົນເຂດເລືອກຕັ້ງທີ 17 ແຂວງອັດຕະປື, ມີ ພັອ ສີເວີນ ແກ້ວສີວົງສາ ຮັກສາການຫົວໜ້າກອງບັນຊາການ ປກສ ແຂວງ ພ້ອມດ້ວຍຕ່າງໜ້າຈາກ ພະແນກພາຍໃນ, ຫ້ອງວ່າການປົກຄອງແຂວງ, ພະແນກ ໂຍທາທິການ ແລະຂົນສົ່ງ ແລະ ຄະນະນຳ ກອງບັນຊາການ ປກສ ແຂວງ ຕະຫຼອດຮອດພະນັກງານວິຊາການຂອງພະແນກສະກັດກັ້ນ ແລະ ຕ້ານອັກຄີໄພເຂົ້າຮ່ວມ.

ທ່ານ ກົງໃຈ ສີດາວົງ ເລຂາທິການສາພາປະຊາຊົນເຂດເລືອກຕັ້ງທີ 17 ແຂວງອັດຕະປື ກ່າວວ່າ: ເຊີ່ງແມ່ນໄດ້ຈາກການຊ່ວຍເຫຼືອຂອງນະຄອນປູຊານ ສາທາລະນະລັດ ປະຊາທິປະໄຕ ປະຊາຊົນເກົ້າຫຼີ ລວມທັງໝົດ 15 ຄັນ ສະນັ້ນສາພາປະຊາຊົນເຂດ 17 ຈິ່ງໄດ້ສະເໜີຫາສາພາແຫ່ງຊາດ ເພື່ອຂໍແບ່ງປັນພາຫານະດັ່ງກ່າວ ເພື່ອມາມອບໃຫ້ ກຳລັງວິຊາສະເພາະຢູ່ແຂວງອັດຕະປື ຈຳນວນ 1 ຄັນ ແລະ ກໍ່ໄດ້ນຳມາມອບຕໍ່ໃຫ້ ກອງບັນຊາການ ປກສ ແຂວງ ໂດຍການກ່າວມອບ ຂອງທ່ານ ເພັດແກ້ວ ເຮືອງປັນຍາ ແລະ ກ່າວຮັບຂອງ ພັອ ສີເວີນ ແກ້ວສີວົງສາ ເພື່ອນຳໃຊ້ເຂົ້າໃນວຽກງານສະກັດກັ້ນ ແລະ ຕ້ານອັກຄີໄພພາຍໃນແຂວງອັດຕະປືຕໍ່ໄປ.

Off

Comments are closed.