11th Aug2017

ສຳເລັດກອງປະຊຸມວຽກງານພັກ-ວຽກງານການເມືອງ ທົ່ວກຳລັງ ປກສ ຄັ້ງທີ 4

by somchan

ການດຳເນີນກອງປະຊຸມວຽກງານພັກ-ວຽກງານການເມືອງທົ່ວກຳລັງ ປກສ ຄັ້ງທີ 4 ໄດ້ສໍາເລັດໃນວັນທີ 11 ສິງຫາ 2017 ນີ້ ພາຍຫຼັງດຳເນີນມາເປັນເວລາ 3 ວັນ ໂດຍເປັນກຽດເຂົ້າຮ່ວມຂອງ ພົນຕີ ສົມແກ້ວ ສີລາວົງ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ກະຊວງປ້ອງກັນຄວາມສະຫົງບ

 

ມີບັນດາຄະນະບໍລິຫານງານພັກກະຊວງ, ບັນດາກົມໃຫຍ່, ຫ້ອງວ່າການກະຊວງ, ວິທະຍາຄານ, ກົມກອງອ້ອມຂ້າງກະຊວງ, ລັດວິສາຫະກິດ, ປກສ ນະຄອນຫຼວງວຽງຈັນ ແລະ ປກສ ແຂວງທົ່ວປະເທດເຂົ້າຮ່ວມ.

ຕະຫຼອດໄລຍະດຳເນີກອງປະຊຸມ ຜູ້ແທນທີ່ເຂົ້າຮ່ວມກອງປະຊຸມໄດ້ຮັບຟັງການລາຍງານ ການເຄື່ອນໄຫວຈັດຕັ້ງປະຕິບັດວຽກງານພັກ-ວຽກງານການເມືອງທົ່ວກຳລັງ ປກສ ໃນໄລຍະ 5 ປີຜ່ານມາ ເປັນຕົ້ນແມ່ນ ວຽກງານກໍ່ສ້າງພັກທາງດ້ານການເມືອງແນວຄິດ, ການກໍ່ສ້າງພັກທາງດ້ານການຈັດຕັ້ງ, ການກໍ່ສ້າງພັກທາງດ້ານການນຳພາແບບແຜນວິທີເຮັດວຽກ ແລະ ການນຳພາອົງການຈັດຕັ້ງມະຫາຊົນ, ດ້ານວຽກງານພະນັກງານ, ວຽກງານກໍ່ສ້າງກຳລັງ, ວຽກງານປ້ອງກັນກຳລັງ ແລະວຽກງານນະໂຍບາຍ ແລະ ປະກັນສັງຄົມ. ໄດ້ຮັບຟັງການລາຍງານການນຳພາຈັດຕັ້ງປະຕິບັດວຽກງານກໍ່ສ້າງກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານ ໃນ 1 ປີຜ່ານມາ, ພ້ອມທັງໄດ້ຮັບຟັງການເຄື່ອນໄຫວວຽກງານ ແລະ ບົດໂອ້ລົມຂອງສະຫາຍເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ ຕໍ່ກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ 10 ແລະ ບັນດານິຕິກຳອື່ນໆອີກຈຳນວນໜຶ່ງ.

ຈາກນັ້ນ, ຄະນະພັກ-ຄະນະບັນຊາ ຈາກກົມກອງອ້ອມກະຊວງ ແລະ ປກສແຂວງທົ່ວປະເທດ ກໍໄດ້ຜັດປ່ຽນກັນປະກອບຄຳຄິດຄຳເຫັນຕໍ່ບົດສະຫຼຸບ ແລະ ລາຍງານສະພາບການນຳພາປະຕິບັດວຽກງານພັກ-ວຽກງານການເມືອງຢູ່ກົມກອງຂອງຕົນຕໍ່ທີ່ປະຊຸມ ໂດຍໄດ້ຍົກໃຫ້ເຫັນດ້ານດີຜົນງານ, ຈຸດອ່ອນຂໍ້ຄົງຄ້າງ, ບົດຮຽນທ່ຖອດຖອນໄດ້ ແລະທິດທາງແຜນການໃນຊຸມປີຕໍ່ໜ້າ ພ້ອມທັງແລກປ່ຽນບົດຮຽນເຊິ່ງກັນແລະກັນ ຢ່າງກົງໄປກົງມາ ແລະ ວິທະຍາສາດ.

ວາລະດຳເນີນກອງປະຊຸມ ກໍໄດ້ປະກາດມະຕິຕົກລົງຂອງຄະນະພັກກະຊວງ ປກສ ວ່າດ້ວຍການຮັບລອງເອົາ ແລະ ມອບໃບຢັ້ງຢືນໃຫ້ບັນດາກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານ ປະຈຳປີ 2016 ຂອງບັນດາຮາກຖານພັກ ຢູ່ອ້ອມຂ້າງອົງຄະນະພັກກະຊວງ ປກສ ຈຳນວນ 130 ຫົວໜ່ວຍ ແລະ ມອບທຸງໄຊໃຫ້ກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານ 5 ປີຕິດຕໍ່ກັນ 7 ຫົວຫົວໜ່ວຍ ແລະໄດ້ຮັບຟັງການໂອ້ລົມຂອງ ພົຈວ ສົມແກ້ວ ສີລາວົງ ຄະນະເລຂາທິການສູນການພັກ, ເລຂາຄະນະພັກກະຊວງ ລັດຖະມົນກະຊວງ ປກສ ເຊິ່ງທ່ານໄດ້ເໜັນໜັກຫຼາຍບັນຫາ ໃຫ້ພະນັກງານນຳພາບັນຊາ ຫຼັກແຫຼ່ງແຕ່ລະຂັ້ນ ຈົ່ງເອົາໃຈໃສ່ຢ່າງເຂັ້ມງວດ ຕໍ່ການປະຕິບັດວຽກງານ ເປັນຕົ້ນແມ່ນວຽກງານພັກ-ວຽກງານການເມືອງ ເພື່ອເຮັດໃຫ້ພະນັກງານ-ນັກຮົບ ໃນຖັນແຖວກຳລັງ ປກສ ມີຄວາມໜັກແໜ້ນ ໃນການປະຕິບັດວຽກງານ ເຮັດສຳເລັດຕາມການມອບໝາຍ.

 

 

 

Off

Comments are closed.