30th Jul2018

ສູນຊ່ວຍເຫຼືອມະນຸດສະທຳອາຊຽນມອບເຄື່ອງ ຊ່ວຍເຫຼືອແກ່ຜູ້ປະສົບໄພພິບັດນ້ຳຖ້ວນ ເມືອງສະໜາມໄຊ

by somchan

ວັນທີ 27 ກໍລະກົດ 2018 ນີ້ ສູນຊ່ວຍເຫຼືອມະນຸດ ສະທຳອາຊຽນ ໄດ້ເດີນທາງມາເຖິງ ສະໜາມບິນ ສາກົນວັດໄຕ ນະຄອນຫຼວງວຽງຈັນ ພ້ອມເຄື່ອງຊ່ວຍເຫຼືອ ຜູ້ປະສົບໄພພິບັດນ້ຳຖ້ວມ ເມືອງສະໜາມໄຊ ແຂວງອັດຕະປື ເຄື່ອງທີ່ນຳມາຊ່ວຍເຫຼືອໃນຄັ້ງນີ້ ປະກອບມີສາງເກັບມ້ຽນ 1 ຫຼັງ, ເຕັ້ນ 150 ດາງ, ເຮືອຈັກ 2 ລຳ, ກະຕຸກໃສ່ນ້ຳ150 ຕຸກ ເຄື່ອງໃຊ້ປະຈຳວັນ 6 ພັນຊຸດ, ມຸ້ງ 3,500 ດາງ ລວມມູນຄ່າຫຼາຍກວ່າ 230,000 ໂດລາສະຫະລັດ.

ແລະໃນວັນດຽວກັນ ຕາງໜ້າໃຫ້ລັດຖະບານ ອົງການໄຈກ້າ ແລະ ປະຊາຊົນຍີ່ປຸ່ນ ກໍ່ໄດ້ເດີນທາງມາເຖິງ ສະໜາມບິນສາກົນວັດໄຕ ນະຄອນຫຼວງວຽງຈັນເຊັ່ນດຽວກັນ ພ້ອມທັງນຳອຸປະກອນສຳລັບຊ່ວຍເຫຼືອບັນເທົາທຸກ ໃນຍາມສຸກເສີມເພື່ອຊ່ວຍເຫຼືອຜູ້ປະສົບໄພພິບັດນ້ຳຖ້ວມ ເຊິ່ງມີ ເຕັ້ນນອນ 400 ຊຸດ, ຜ້າຫົ່ມ 4020 ຜືນ, ເຄື່ອງກອງນ້ຳດື່ມ 10 ຊຸດ (ສາມາດກອງນໍ້າໄດ້ 4 ລິດຕໍ່ນາທີ ໂດຍບໍ່ຈຳເປັນຕ້ອງໃຊ້ໄຟຟ້າ) ແລະ ສານເຄມີສຳລັບບຳບັດນ້ຳ 15,000 ເມັດ. ຕາງໜ້າຮັບໂດຍ ທ່ານ ນາງ ໃບຄຳ ຂັດຕິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ. ໃນໂອກາດດຽວກັນນີ້ ທ່ານ ນາງ ໃບຄຳ ກໍ່ໄດ້ໃຫ້ສຳພາດກ່ຽວກັບການຊ່ວຍເຫຼືອຕ່າງໆ ໃນປະຈຸບັນນີ້ ແລະ ການນຳເອົາເຄື່ອງຊ່ວຍເຫຼືອເຖິ່ງປະຊາຊົນຜູ້ປະສົບໄພພິບັດນ້ຳຖ້ວມຢ່າງທົ່ວເຖິງ.

Off

Comments are closed.