31st Jul2018

ສູນບັນຊາການພາກສະໜາມ ມອບເຄື່ອງຊ່ວຍເຫຼືອຄືນເຈົ້າຂອງເດີມ

by somchan

ໃນວັນທີ 30 ກໍລະກົດ 2018 ນີ້ ສູນບັນຊາການ ພາກສະໜາມ ກູ້ໄພພິບັດ ເມືອງສະໜາມໄຊ ແຂວງອັດຕະປື ໄດ້ມອບເຄື່ອງຂອງທີ່ມີຄ່າ ທີ່ເຈົ້າໜ້າທີ່ກວດຄົ້ນໄດ້ ຈາກສະຖານທີ່ໄພພິບັດ ຢູ່ເຂດບ້ານໃຫມ່ ເຊິ່ງເປັນຂອງທ້າວ ອາຊ່າງ ສັນຊາດຈີນ ມາຄ້າຂາຍຢູ່ບ້ານສະໜອງ ເມືອງສະໜາມໄຊ ແຂວງອັດຕະປື. ເຄື່ອງທີ່ສົ່ງຄືນໃນຄັ້ງນີ້, ມີເອກກະສານຢັ້ງຢືນການພັກເຊົາ, ໃບຂັບຂີ່, ໃບອະນຸຍາດອອກແຮງງານ, ທະບຽນແຕ່ງງານຈີນ. ນອກຈາກນີ້ ຍັງມີເງິນກີບ 420.000 ກີບ, ເງິນບາດ 2.000 ບາດ, ເງິນຢວນ 40 ຢວນ, ກິບປັກຜົມຄ້າຍຄືຄຳ 1 ອັນ. ໂດຍໃຫ້ກຽດກ່າວມອບໃນຄັ້ງນີ້ ແມ່ນ ພົຈວ ຄຳມ່ວນ ເລືອງວັນຫຼ້າ ຮອງຫົວໜ້າຫ້ອງວ່າການກະຊວງປ້ອງກັນປະເທດ ທັງເປັນຄະນະຊີ້ນຳ ສູນບັນຊາການ ກອບກູ້ໄພພິບັດຢູ່ເມືອງສະໜາມໄຊ ແຂວງອັດຕະປື, ກ່າວຮັບໂດຍເຈົ້າຂອງຊັບ.

Off

Comments are closed.