09th Apr2018

ຫົວໜ້າກົມໃຫຍ່ການເມືອງ ປກສ ພ້ອມດ້ວຍຄະນະໄດ້ຕ້ອນຮັບການເຂົ້າ ອວຍພອນຈາກ ຫົວໜ້າອົງການຜູ້ຕາງໜ້າ ກະຊວງຕຳຫຼວດຫວຽດນາມ

by somchan

ໃນວັນທີ 3 ເມສາ 2018 ນີ້ ພົຈວ ອາລູ ວາລີຊື ຄະນະພັກກະຊວງ ປກສ ພ້ອມດ້ວຍຄະນະ ເນື່ອງໃນໂອກາດ ວັນສ້າງຕັ້ງກຳລັງປ້ອງກັນຄວາມ ສະຫງົບ ວັນທີ 5 ເມສາ ຄົບຮອບ 57 ປີ.

ໃນໂອກາດນີ້, ພົຈວ ຮວງກວາງເກືອງ ຫົວໜ້າ ອົງການຜູ້ຕາງໜ້າກະຊວງຕຳຫຼວດຫວຽດນາມ ປະຈຳລາວ ໄດ້ກ່າວອວຍພອນມາຍັງ ຄະນະພັກ-ຄະນະນຳ ກະຊວງ ຕະຫຼອດຮອດສະມາຊິກພັກ, ພະນັກງານ-ນັກຮົບ ໃນກຳລັງປ້ອງກັນຄວາມສະຫງົບ ຈົ່ງມີສຸຂະພາບເຂັ້ມແຂງ ປະສົບຜົນສຳເລັດໃນໜ້າທີ່ວຽກງານ ແລະ ມີຄວາມຜາສຸກໃນຊີວິດຄອບຄົວ, ສືບຕໍ່ປົກປັກຮັກສາຄວາມສະຫງົບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ ໃຫ້ມີຄວາມສະຫງົບປອດໄພໂດຍພື້ນຖານ.

ພ້ອມນີ້ ພົຈວ ອາລູ ວາລີຊື ຄະນະພັກກະຊວງ ຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຕາງໜ້າໃຫ້ຄະນະນຳ ກໍ່ຄືພະນັກງານ-ນັກຮົບ ກ່າວຄຳຂອບໃຈຕໍ່ຫົວໜ້າອົງການກະຊວງຕຳຫຼວດຫວຽດນາມ ພ້ອມດ້ວຍຄະນະ ທີ່ໄດ້ເຂົ້າອວຍພອນ ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 57 ປີ ໃນຄັ້ງນີ້.

ໄລຍະດຽວກັນນີ້,​ ພົຈວ ອຸ່ນຫຼ້າ ວົງພະຈັນ ຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ພ້ອມດ້ວຍຄະນະ ກໍ່ໄດ້ຕ້ອນຮັບການເຂົ້າອວຍພອນ ຈາກພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ເນື່ອງໃນໂອກາດ ວັນສ້າງຕັ້ງກຳລັງປ້ອງກັນຄວາມສະຫງົບ ວັນທີ 5 ເມສາ ຄົບຮອບ 57 ປີ ເຊັ່ນດຽວກັນ.

 

Off

Comments are closed.