09th Apr2018

ຫົວໜ້າຫ້ອງວ່າການກະຊວງ ປກສ ລົງຢ້ຽມຢາມ ໂຮງໝໍ 5 ເມສາ

by somchan

ພົຈວ ສີສະຫວາດ ແກ້ວມາລາວົງ ຄະນະປະຈຳພັກ ກະຊວງ ຫົວໜ້າຫ້ອງວ່າການກະຊວງ ປກສ ພ້ອມດ້ວຍຄະນະນຳກະຊວງ ໄດ້ລົງຢ້ຽມຢາມ  ໂຮງໝໍ 5 ເມສາ ໃນວັນທີ 3 ເສາ 2018 ນີ້ ເນື່ອງໃນໂອກາດວັນສ້າງຕັ້ງກຳລັງປ້ອງກັນ ຄວາມສະຫງົບ ວັນທີ 5 ເມສາ ຄົບຮອບ 57 ປີ. ໃຫ້ເຕັມໄປດ້ວຍ ບັນຍາກາດຟົດຟື້ນເບີກບານ ມ່ວນຊື້ນ ແລະ ມີຄວາມໝາຍຄວາມສຳຄັນ.

ໃນໂອກາດນີ້, ພັອ ຄຳບານ ຫຼ້າຄູນເຮືອນ ອຳນວຍການໂຮງໝໍ 5 ເມສາ ໄດ້ລາຍງານການເຄື່ອນໄຫວວຽກງານຂອງໂຮງໝໍ 5 ເມສາ ໃນໄລຍະ 1 ປີ ຜ່ານມາ. ເປັນຕົ້ນແມ່ນ ຄະນະນຳ-ຄະນະບັນຊາ ເອົາໃຈໃສ່ປັບປຸງວຽກງານການບໍລິການຮັບໃຊ້ໃຫ້ມີຄຸນນະພາບດີຂຶ້ນ ເພື່ອຮັບປະກັນເຮັດໃຫ້ສຸຂະພາບຂອງນາຍ ແລະ ພົນຕຳຫຼວດ ຕະຫຼອດຮອດປະຊາຊົນບັນດາເຜົ່າທີ່ມາໃຊ້ບໍລິການດ້ານສຸຂະພາບໄດ້ຮັບຜົນດີ ໂດຍຖືເອົາວຽກງານກວດກາຕົວຈິງ ການບົ່ງມະຕິຊັດເຈນ ແລະ ປິ່ນປົ່ວຢ່າງມີຄຸນນພາບ ເປັນຈຸດໃຈກາງສຳຄັນ, ຮັກສາໄດ້ຈັນຍາບັນ-ຈັນຍາທຳຂອງແພດໝໍ ໄດ້ເປັນຢ່າງດີ.

ໃນ 1 ປີຜ່ານມາ, ພະນັກງານແພດໝໍໄດ້ບໍລິການປິ່ນປົ່ວຄົນເຈັບມາກວດສຸຂະພາບຢູ່ເຂດນອກ 7.100 ກວ່າຄົນ, (ໃນນີ້ມີຕຳຫຼວດ 4.500 ກວ່າເທື່ອຄົນ) ກວດປິ່ນປົ່ວສຸກເສີນ 5.800 ກວ່າເທື່ອຄົນ, ຮັບເຂົ້ານອນໂຮງໝໍ 1.500 ກວ່າເທື່ອ, ສົ່ງໄປປິ່ນປົ່ວຢູ່ໂຮງໝໍອື່ນ 29 ເທື່ອຄົນ, ຊ່ວຍເກີດລູກ 223 ເທື່ອຄົນ, ກວດຫ້ອງແມ່ມານ 1.600 ກວ່າເທື່ອຄົນ, ໃນນີ້ ມີຄົນເຈັບນຳໃຊ້ບັດປະກັນສັງຄົມຂອງກະຊວງ ປກສ 21.800 ກວ່າເທື່ອຄົນ, ມີຜູ້ມາປິ່ນປົ່ວຢູ່ໂຮງໝໍ 5 ເມສາ ຕົວຈິງ 13.500 ກວ່າເທື່ອຄົນ ແລະ ນອກນີ້ ຍັງໄດ້ກວດສຸຂະພາບປະຈຳປີ 2017 ອ້ອມຂ້າງກະຊວງ ເປັນປົກກະຕິ.

ໄປພ້ອມໆກັບການເອົາໃຈປັບປຸງ-ກໍ່ສ້າງບຸກຄະລາກອນແພດໝໍໄດ້ເປັນຢ່າງດີ.

Off

Comments are closed.