22nd Jun2020

ຫຼາຍພາກສ່ວນ ມອບເງິນຊຸກຍູ້ ວຽກງານປ້ອງກັນຄວາມສະຫງົບ ລວມມູນຄ່າ 500 ລ້ານກີບ

by somchan

ໃນທ້າຍອາທິດທີ່ຜ່ານມາ ທີ່ ກະຊວງປ້ອງກັນຄວາມຫງົບ, ມີຫຼາຍພາກສ່ວນ ມອບເງິນຊຸກຍູ້ ວຽກງານປ້ອງກັນຄວາມ ສະຫງົບ ລວມມູນຄ່າ 500 ລ້ານກີບ ໃນນີ້ ມີ ບໍລິສັດ ມອບເງິນສົດ ຈໍານວນ 100 ລ້ານກີບ, ມອບໂດຍທ່ານ ພອນປະເສີດ ອິນທະສອນ ປະທານບໍລິສັດ 43s ພັດທະນາ ຈໍາກັດ, ບໍລິສັດ ເອເຊຍລົງທຶນ ພັດທະນາ ແລະ ກໍ່ສ້າງ ຈໍາກັດ ຫລື AIDC ມອບ 100 ລ້ານກີບ, ມອບໂດຍທ່ານ ນາງ ສີທາລາ ອະລຸນສະຫວັດ ຕາງຫນ້າຄະນະບໍລິຫານງານ; ບໍລິສັດ ລາວ ໄຊນາເບສ ໂຮນດິ້ງ ຈໍາກັດ ມອບ 200 ລ້ານກີບ, ມອບໂດຍ ທ່ານ ວັນດີ ກວາລີວົງ ປະທານບໍລິສັດ; ບໍລິສັດ ຮຸ່ງເຮືອງຄຸນນະທໍາ ທີ່ປຶກສາ ກົດຫມາຍ ຈໍາກັດ ມອບ 100 ລ້ານກີບ ມອບໂດຍທ່ານ ເຊີນຊຽງ ປະທານບໍລິສັດ, ເປັນກຽດຮັບເງິນຊ່ວຍເຫລືອຄັ້ງນີ້ໂດຍ ພົທ ວິໄລ ຫຼ້າຄໍາຟອງ ລັດຖະມົນຕີ ກະຊວງປ້ອງກັນຄວາມສະຫງົບ, ມີບັນດາຄະນະພັກ, ຄະນະບັນຊາຂັ້ນສູງຂອງ ກະຊວງປ້ອງກັນຄວາມສະຫງົບ ພ້ອມດ້ວຍ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດນີ້ ພົທ ວິໄລ ຫຼ້າຄໍາຟອງ ໄດ້ກ່າວສະແດງ ຄວາມຂອບໃຈຢ່າງສູງ ຕໍ່ບັນດາບໍລິສັດ ທີ່ນໍາເອົາເງີນຈໍານວນດັ່ງກ່າວ ມາມອບ ເພື່ອຊຸກຍູ້ໃຫ້ແກ່ການເຄື່ອນໄຫວວຽກງານ ຂອງກໍາລັງ ປ້ອງກັນຄວາມສະຫງົບ ໃນຄັ້ງນີ້, ພ້ອມທັງໃຫ້ຄໍາຫມັ້ນສັນຍາວ່າ ຈະນໍາໃຊ້ເງິນຈໍານວນ ດັ່ງກ່າວ ໄປຫມູນໃຊ້ເຂົ້າໃນການເຄື່ອນໄຫວເຮັດຫນ້າທີ່ປ້ອງກັນຄວາມສະຫງົບສຸກໃຫ້ແກ່ພໍ່ແມ່ປະຊາຊົນ ກໍ ຄືສັງຄົມ ແລະປະເທດຊາດໃຫ້ເກີດຜົນປະໂຫຍດສູງສຸດ. ແລະໄດ້ອວຍພອນໄຊໃຫ້ແກ່ 4 ບໍລິສັດ ຈົ່ງມີແຕ່ຄວາມຈະເລີນຮຸ່ງເຮືອງກ້າວຫນ້າໃນການດໍາເນີນທຸລະກິດ, ມີຄວາມຜາສຸກໃນຊີວິດສ່ວນ ຕົວ ແລະ ຄອບຄົວ ສືບຕໍ່ໃນການປະກອບສ່ວນຊ່ວຍເຫລືອສັງຄົມ ຕໍ່ໄປ

 

Off

Comments are closed.