07th Oct2019

ຫ້ອງການຄຸ້ມຄອງ ແລະ ບໍລິການຕົວເມືອງ ນະຄອນຫຼວງວຽງຈັນ ກຽມພ້ອມຮັກສາຄວາມສະອາດໃນງານບຸນຊ່ວງເຮືອ ປະຈຳປີ 2019

by somchan

ທ່ານ ບຸນຈັນ ແກ້ວສີທຳມະ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງ ນະຄອນຫຼວງວຽງຈັນ ໃຫ້ສຳພາດວ່າ: ການກະກຽມຮັກສາຄວາມສະອາດໃຫ້ແກ່ງານບຸນອອກພັນສາປະວໍລະນາ ແລະ ຊ່ວງເຮືອທ່າວັດຈັນ ປະຈຳປີ 2019 ທີ່ນະຄອນຫຼວງວຽງຈັນ, ເຊິ່ງຈະຈັດຂື້ນໃນລະຫວ່າງວັນທີ 13 -14 ຕຸລາ 2019 ນີ້ ມາຮອດປະຈຸບັນທາງຄະນະຮັບຜິດຊອບຄຸ້ມຄອງ ແລະ ບໍລິການຕົວເມືອງນະຄອນຫຼວງວຽງຈັນ

ໄດ້ແບ່ງຄວາມຮັບຜິດຊອບໃຫ້ກັບອົງການທີ່ກ່ຽວຂ້ອງເປັນທີ່ຮຽບຮ້ອຍແລ້ວ ແລະ ພ້ອມນີ້ຍັງໄດ້ເຮັດສັນຍາກັບປະທານ ແລະ ຜູ້ປະກອບການຂາຍເຄື່ອງຢູ່ໃນງານບຸນຊ່ວງເຮືອທີ່ທ່າວັດຈັນ ສຳລັບກຳລັງພົນທີ່ຈະປະຈຳ ເຮັດອະນາໄມຢູ່ໃນງານບຸນມີເກືອບສອງຮ້ອຍຄົນ ເພື່ອອະນາໄມເກັບມ້ຽນຂີ້ເຫຍື້ອໃຫ້ມີຄວາມສະອາດ, ງາມຕາ ຢູ່ໃນງານບຸນຊ່ວງເຮືອກໍ່ຄືຄວາມສະອາດຢູ່ໃນນະຄອນຫຼວງວຽງຈັນ.

Comments are closed.