11th Sep2019

ຮອງນາຍົກລັດຖະມົນຕີ ລົງຢ້ຽມຢາມປະຊາຊົນເມືອງສອງຄອນ ທີ່ໄດ້ຮັບຜົນກະທົບຈາກນ້ຳຖ້ວມ.

by somchan

ໃນອາທິດຜ່ານມານີ້ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີການຊວງການເງິນ ທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມດ້ວຍຄະນະ, ໄດ້ລົງກວດກາພື້ນທີ່ໄດ້ຮັບຄວາມເສຍຫາຍຈາກໄພພິບັດນ້ຳຖ້ວມ ແລະ ມອບເຄື່ອງອຸປະໂພກ-ບໍລິໂພກ ມູນຄ່າ 30,000,000 ກີບ, ພ້ອມເງິນສົດຈຳນວນໜຶ່ງ, ໃຫ້ປະຊາຊົນທີ່ຖືກຜົນກະທົບນ້ຳຖ້ວມຢູ່ເມືອງສອງ ແຂວງສະຫວັນນະເຂດ.

ພັທ ຄອນສະຫວັນ ໄຊຍະສານ ຫົວໜ້າກອງບັນຊາການ ປກສ ເມືອງສອງຄອນ ໄດ້ລາຍງານໃຫ້ຮູ້ວ່າ: ໃນໄລຍະວັນທີ 2-6 ກັນຍາ 2019 ນີ້ ຝົນຕົກໜັກ ແລະ ພາໃຫ້ນ້ຳເຊຈຳພອນ ແລະ ເຊບັ້ງຫຽງໄດ້ຢືງຂຶ້ນຖ້ວມບ້ານເຮືອນປະຊາຊົນຢູ່ແຄມເຊ 7,217 ເຮັກຕາ, ວັດ 12 ແຫ່ງ, ໂຮງຮຽນ 13 ແຫ່ງ, ຕະຫຼາດ 2 ແຫ່ງ, ສຸກສາລາ 2 ແຫ່ງ, ເລົ້າເຂົ້າເສຫາຍ 1,090 ຫຼັງ, ໜອງລ້ຽງປາ 145 ໜອງ, ເສັ້ນທາງ 4 ເສັ້ນ, ຊົນລະປະທານມີ 7 ແຫ່ງ, ອ່າງເກັບນ້ຳ 4 ແຫ່ງ. ຈາກນັ້ນ ທາງເມືອງ ແລະ ພາກສ່ວນກ່ຽວຂ້ອງ ກໍ່ມີການລົງຊ່ວຍເຫຼືອປະຊາຊົນທີ່ຖືກຜົນກະທົບຈາກໄພນ້ຳຖ້ວມ ແລະ ມີແຜນການຈັດວາງກຳລັງ ປກສ-ປກຊ, ອຳນາດການປົກຄອງຊ່ວຍເຫຼືອປະຊາຊົນ 16 ບ້ານ, ສົມທົບກັນເຄື່ອນຍ້າຍປະຊາຊົນອອກຈາກບ່ອນຕ່ຳໄປຢູ່ບ່ອນສູງ, ກຳລັງ ປກສ ຍັງໄດ້ຈັດວາງກຳລັງເຂົ້າຊ່ວຍເຫຼືອ ແລະ ເຮັດໜ້າທີ່ປ້ອງກັນປົກປັກຮັກສາຊັບສິນຂອງປະຊາຊົນ, ຈັດສັນພາຫະນະເພື່ອຂົນເຄື່ອງປະຊາຊົນ ແລະ ເມືອງກໍ່ໄດ້ຊ່ວຍເຫຼືອເຄື່ອງປະໂພກອື່ນໆ.

Comments are closed.