25th Jun2018

ຮອງປະທານປະເທດແຫ່ງ ສສ ຫວຽດນາມ ເຂົ້າວາງພວງມະລາ ຢູ່ທີ່ອະນຸສາວະລີ ນັກຮົບນິລະນາມ

by somchan

ໃນຕອນເຊົ້າຂອງວັນທີ 20 ມິຖຸນາ 2018 ນີ້ ການນຳພັກ-ລັດແຫ່ງ ສສ ຫວຽດນາມ ນຳໂດຍ ສະຫາຍ ນາງ ດັ້ງ ຖິ ຫງ໋ອກ ທິ້ງ ກຳມະການຄະນະ ບໍລິຫານງານສູນກາງພັກກອມມູນິດຫວຽດນາມ, ຮອງປະທານປະເທດແຫ່ງ ສສ ຫວຽດນາມ ໄດ້ເຂົ້າວາງພວງມະລາ ຢູ່ທີ່ອະນຸສາວະລີ ນັກຮົບນິລະນາມ ນະຄອນຫຼວງວຽງຈັນ ໃນໂອກາດ ທີ່ໄດ້ເດີນທາງມາເຄື່ອນຢ້ຽມຢາມ ສປປ ລາວ ຕາມການເຊື້ອຊວນຂອງ ສະຫາຍ ພັນຄຳ ວິພາວັນ ກຳມະການກົມການເມືອງສູນກາງພັກ ເລຂາທິການສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ ໃນລະຫວ່າງວັນທີ 19-22 ມິຖຸນາ 2018 ນີ້.

ການເຂົ້າວາງພວງມະລາໃນຄັ້ງນີ້, ກໍ່ເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ ເຖິງຄຸນງາມຄວາມດີ ແລະ ນ້ຳໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈຳນົນ ຂອງບັນພະບູລຸດ ລາວ-ຫວຽດນາມ ກໍ່ຄືບັນດານັກຮົບປະຕິວັດ ລາວ-ຫວຽດນາມ ທີ່ໄດ້ຮ່ວມກັນສູ່ຮົບ, ເສຍສະຫຼະຊິດວິດ ເລືອດເນື້ອ ເພື່ອປະເທດຊາດ ແລະ ປະຊາຊົນຢ່າງອົງອາດກ້າຫານ ພາຍໃຕ້ການນຳພາຂອງພັກປະຊາຊົນ ປະຕິວັດລາວ ຈົນໄດ້ຮັບໄຊຊະນະ ແລະ ສະຖາປະນາ ສປປ ລາວ ໃນວັນທີ 2 ທັນວາ ປີ 1975.

Off

Comments are closed.