11th Sep2018

ຮອງ ລມຕ ກະຊວງ ປກສ ໄດ້ຕ້ອນຮັບ ການເຂົ້າຢຽ້ມຂ່ຳນັບຂອງ ທ່ານ ຫູ ປິນເຊີນ ຮອງຫົວໜ້າ ກົມພົວພັນຕ່າງປະເທດ

by somchan

ວັນທີ່ 7 ກັນຍາ 2018 ນີ້ ທີ່ຫ້ອງຮັບແຂກ ກະຊວງປ້ອງກັນ ຄວາມສະຫງົບ ພົຕ ສິນທະວົງ ໄຊຍະກອນ ຮອງລັດຖະມົນຕີ ກະຊວງປ້ອງກັນ ຄວາມສະຫງົບ ໄດ້ຕ້ອນຮັບການ ເຂົ້າຢຽ້ມຂ່ຳນັບ ຂອງທ່ານ ຫູປິນເຊີນ ຮອງຫົວໜ້າ ກົມພົວພັນຕ່າງປະເທດ ກະຊວງປ້ອງກັນຄວາມສະຫງົບ ແຫ່ງສາທາລະນະລັດ ປະຊາຊົນຈີນ ພ້ອມດ້ວຍຄະນະ ເນື່ອງໃນໂອກາດ ທີ່ທ່ານໄດ້ມາຢ້ຽມຢາມ ແລະ ເຮັດວຽກງານ ຮ່ວມກັບ ກົມພົວພັນຕ່າງປະເທດ ຫ້ອງວ່າການ ກະຊວງປ້ອງກັນຄວາມສະຫົງບ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ່ 7 ກັນຍາ ນີ້,ໃນໂອກາດດັ່ງກ່າວ ທ່ານ ຫູປິນເຊີນ ຮອງຫົວໜ້າກົມພົວພັນຕ່າງປະເທດ ກະຊວງປ້ອງກັນຄວາມສະຫງົບ ແຫ່ງ ສປຈີນໄດ້ລາຍງານຈຸດປະສົງ ໃນການມາເຮັດວຽກຮ່ວມກັບກົມພົວພັນຕ່າງປະເທດ ຫ້ອງວ່າການກະຊວງປ້ອງກັນຄວາມສະຫງົບ ແຫ່ງ ສປປ ລາວ ໃຫ້ທ່ານຮອງ ລັດຖະມົນຕີ ໄດ້ຮັບຊາບ ເປັນຕົ້ນແມ່ນການ ເຂົ້າຮ່ວມກອງປະຊຸມພົບປະສອງຝ່າຍ ລະຫວ່າງກົມພົວພັນຕ່າງປະເທດ ຂອງສອງກະຊວງກ່ຽວກັບການພົວພັນຮ່ວມມື, ໃນດ້ານວຽກງານ ຝືກອົບຮົມວິຊາ ສະເພາະ,ການຮ່ວມມື ໃນດ້ານການຊ່ວຍເຫຼືອ ເຄື່ອງອຸປະກອນເຕັກນິກວິຊາສະເພາະ ແລະ ດ້ານການຮ່ວມມື ໃນການຮັກສາຄວາມ ປອດໄພໃຫ້ແກ່ໂຄງການ ທີ່ສຳຄັນຂອງບໍລິສັດ ໃນການ ສ້າງກົນໄກປະສານງານດ້ານຕຳຫຼວດ ຢູ່ ສປປລາວ ແລະ ວຽກງານອື່ນໆ ພ້ອມນີ້ຮອງລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປປ ລາວຍັງໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງ ຕໍ່ການມາເຮັດວຽກຂອງທ່ານ ຫູປິນເຊີນພ້ອມຄະນະໃນຄັ້ງນີ້ ແລະ ນຳເອົາເນືອໃນຈິດໃຈ ເພື່ອນມິດຍຸດທະສາດ ລະຫ່ວາງສອງພັກ-ສອງລັດ, ສອງກະຊວງປ້ອງກັນ ຄວາມສະຫງົບກໍ່ຄືສອງ ກົມນຳ ໄປຈັດຕັ້ງຜັນ ຂະຫຍາຍຕາມບົດບັນທືກ ຄວາມເຂົ້າໃຈ ທີ່ສອງກະຊວງປ້ອງກັນຄວາມ ສະຫງົບລາວ-ຈີນໄດ້ເຊັນຮ່ວມກັນ ໃຫ້ແຕກດອກອອກຜົນຍີ່ງໆຂື້ນ.ພ້ອມນີທ່ານ ຫູປີນເຊີນ ກໍ່ໄດ້ສະແດງຄວາມຂອບໃຈຕໍ່ທ່ານ ຮອງລັດຖະມົນຕີ ກະຊວງປ້ອງກັນຄວາມສະຫງົບ ພ້ອມດ້ວຍຄະນະ ທີ່ໄດ້ໃຫ້ການຕ້ອນຮັບ ຢ່າງອົບອຸ່ນ.

Off

Comments are closed.