22nd Jun2018

ຮອງລັດຖະມົນຕີກະຊວງ ປກສ ຊີ້ນຳວຽກງານກໍ່ສ້າງຮາກຖານການເມືອງ

by somchan

ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງ ປ້ອງກັນຄວາມສະຫງົບ ຫົວໜ້າຄະນະຊີ້ນຳ ວຽກງານກໍ່ສ້າງຮາກຖານການເມືອງ ນະຄອນຫຼວງ ວຽງຈັນ ໄດ້ໂອລົມ ແລະ ໃຫ້ທິດຊີ້ນຳ ພະນັກງານກໍ່ສ້າງຮາກຖານການເມືອງ ທົ່ວນະຄອນຫຼວງວຽງຈັນ ໃນໂອກາດ ທີ່ເຂົ້າຮ່ວມກອງປະຊຸມສະຫຼຸບ ການຈັດຕັ້ງ ປະຕິບັດວຽກງານກໍ່ສ້າງຮາກຖານໃນໄລຍະ 3 ເດືອນ ຂອງນະຄອນຫຼວງວຽງຈັນ ທີ່ຜ່ານມານີ້, ໂດຍທ່ານໄດ້ເໜັ້ນໜັກໃຫ້ພະນັກງານກໍ່ສ້າງຮາກຖານເພີ່ມທະວີຄວາມເອົາໃຈໃສ່ ໃນການປະຕິບັດວຽກງານວິຊາສະເພາະ ຢູ່ຮາກຖານໃຫ້ມີຄວາມໜັກແໜ້ນ ແລະ ຖືກຕ້ອງຕາມກົດໝາຍ, ໂດຍສະເພາະ ການຕິດຕາມກວດກາສະພາບຂອງພົນລະເມືອງໃຫ້ລະອຽດ, ຈະແຈ້ງ ຖືກຕ້ອງຕາມຄວາມເປັນຈິງ ເຊັ່ນ: ການຂຶ້ນສຳມະໂນຄົວ, ການອອກບັດປະຈຳຕົວໃຫ້ກັບປະຊາຊົນ, ສຸມໃສ່ຕິດຕາມແກ້ໄຂບັນຫາປະກົດການຫຍໍ້ທໍ້ໃນສັງຄົມໃຫ້ຫຼຸດໜ້ອຍຖອຍລົງເທື່ອລະກ້າວ, ໂດຍສະເພາະບັນຫາຢາເສບຕິດ, ຂີ່ລັກງັດແງະ, ປຸ້ນຈີ້ຊີງຊັບ ແລະ ອື່ນໆ.

Off

Comments are closed.