09th Jan2017

ຮອງລັດຖະມົນຕີກະຊວງ ປກສ ສຳເລັດ ເຂົ້າຮ່ວມກອງປະຊຸມ ປກສ-ປກຊ 6 ແຂວງພາກເໜືອ ທີ່ແຂວງໄຊຍະບູລີ

by somchan

ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກ້ນຄວາມສະຫງົບ ພ້ອມດ້ວຍຄະນະ ໄດ້ສຳເລັດ ການເຂົ້າຮ່ວມກອງປະຊຸມ ສະຫຼູບວຽກງານ ປກຊ-ປກສ 6 ແຂວງພາກເໜຶອ ຈັດຂື້ນຢູ່ແຂວງໄຊຍະບູລີ ໃນວັນທີ່ 5ມັງກອນ 2017 ນີ້ ໂດຍການເປັນປະທານຂອງ ພົທ ຈັນສະໝອນ ຈັນຍາລາດ ກຳມະການກົມການເມືອງ ສູນກາງພັກ ລັດຖະມົນຕີ ກະຊວງປ້ອງກ້ນປະເທດ ພ້ອມດ້ວຍປະທານ ປກສ – ປກສ 6  ແຂວງພາກເໜຶອ ເຂົ້າຮ່ວມ.

ໃນການດຳເນີນກອງປະຊຸມ ຜູ້ເຂົ້າຮ່ວມໄດ້ພ້ອມກ້ນຕີລາຄາ ສະພາບການ ແລະ ທົບທວນຄືນ ການຈັດຕັ້ງປະຕິບັດ ວຽກງານ ປກຊ-ປກສ 6 ແຂວງພາກເໜຶອໃນໄລຍະ 1 ປີຜ່ານມາ, ພ້ອມກ້ນນີ ຍັງໄດ້ຄົ້ນຄວ້າກຳ

ເນີດວຽກງານ ຈຸດສຸມສຳລັບປີ 2017 ເພຶ່ອຮັບປະກ້ນໃຫ້ 6 ແຂວງພາກເໜຶອ ມີສະຖຽນລະພາບທາງ ດ້ານການເມືອງ, ມີຄວາມໝັ້ນຄົງ, ສະຫງົບ, ປອດໄພ ແລະ ເປັນລະບຽບຮຽບຮ້ອຍ ແນ່ໃສ່ປະກອບສວນ ໃນການຈັດຕັ້ງ ປະຕິບັດ ແລະ ສ້າງເງື່ອນໄຂ ເອື້ອອຳນວຍ ໃຫ້ແກ່ການຈັດຕັ້ງ ຜັນຂະຫຍາຍມະຕິ ກອງປະຊຸມໃຫ່ຍ ຄັ້ງທີ່10 ຂອງພັກ, ແຜນພັດຖະນາ ເສດຖະກິດ ແລະ ສັງຄົມແຫ່ງຊາດ ຄັ້ງທີ່ 8 , ວຽກງານ 3ສ້າງ ແລະ ອື່ນໆ ໃຫ້ປະກົດຜົນເປັນຈິງ ພ້ອມທັງສາມາດຊຸກຍູ້ ປັບປຸງຊິວິດການເປັນຢູ່ ຂອງປະຊາຊົນ ບັນດາເຜົ່າໃຫ້ນັບມື້ດີຂື້ນເລືອຍໆ ພາຍຫຼັງສຳເລັດ ເຂົ້າຮ່ວມກອງປະຊຸມ ສະຫຼູບວຽກງານ ປກຊ-ປກສ 6 ແຂວງພາກເໜຶອ ໃນວັນທີ່ 6 ມັງກອນ2017 ພົຕ ກົງທອງ ວົງ ວິຈິດ ຮອງລັດຖະມົນຕີກະຊວງ ປກສ ພ້ອມດ້ວຍຄະນະ ຍັງໄດ້ຢ້ຽມຍາມ, ພົບປະໂອ້ລົມຄະນະພັກຄະນະບັນຊາ ແລະ ພະນັກງານຫຼັກແຫຼ່ງ ກອງບັນຊາການ ປກສ ແຂວງໄຊຍະບູລີ

ໃນໂອກາດນີ ພັອ ຄຳເກື່່ອງ ພິວວັນນາ ຫົວໜ້າ ປກສ ແຂວງໄຊຍະບູລີ ໄດ້ລາຍງານສະພາບ ແລະ ການປະຕິບັດວຽກງານ ປ້ອງກັນຄວາມສະຫງົບ ການຮັກສາຄວາມເປັນລະບຽບ ຮຽບຮ້ອຍ ໃນສັງຄົມ ຂອງກອງບັນຊາການ ແຂວງໄຊຍະບູລີ ໂດຍສະເພາະແຜນການ ສະກັດກັ້ນກັດ ແກ້ໄຂປະກົດການຫຍໍ້ທໍ້ຕ່າງໆ ແມ່ນມີຜົນສຳເລັດໂດຍພື້ນຖານ.

ພ້ອມດຽວກ້ນນີ້ ຮອງລັດຖະມົນຕີກະຊວງ ປກສ ຍັງໄດ້ຍ້ອງຍໍຊົມເຊີຍຕໍ່ຜົນງານ ທີ່ສ້າງມາໄດ້ ແລະ ໄດ້ເໜັ້ນໜັກໃຫ້ຄະນະພັກ, ຄະນະບັນຊາ ແລະ ພະນັກງານ-ນັກຮົບ ກອງບັນຊາການ ປກສ ແຂວງໄຊຍະບູລີ ເອົາ ໃຈໃສ່ ເຮ້ດວຽກງານວິຊາສະເພາະ ດ້ວຍຄວາມຮັບຜິດຊອບສູງ ໂດຍສະເພາະແຜນການດຳເນີນ, ການແກ້ໄຂຄະດີ ໃຫ້ມີຄວາມຖືກຕ້ອງ ຕາມລະບຽບກົດໝາຍ ໂປ່ງໃສ ແລະ ຍຸດຕິທຳ ເພຶ່ອສ້າງຄວາມເຊື່ອໝັ້ນ ຕໍ່ກຳລັງ ປກສ ແລະ ຫຼຸດຜ່ອນຫາງສຽງ ຕຳນິວິຈານ ຂອງສັງຄົມ ໂດຍຖຶເອົາວຽກງານສຳຄັນ ຕິດພັນກັບການສະກັດກັ້ນ ແກ້ໄຂປະກົດການຫຍໍ້ທໍ້  ໃນກຳລັງ ແລະ ການນຳພາ ບັນດາສະກັດກັ້ນ ແກ້ໄຂປະກົດການຫຍໍ້ທໍ້ ໃນສັງຄົມ ເຊັ່ນ: ປຸ່ນຈີ,  ຊິງຊັບ, ລັບຊັັບ,  ຢາເສບຕິດ,  ອຸປະຕິເຫດ ແລະ ອື່ນໆ  ໃຫ້ນັບມື້ຫຼຸດລົງຢ່າງຈະແຈ້ງ.

 

 

 

 

Off

Comments are closed.