08th Nov2017

ຮອງລັດຖະມົນຕີກະຊວງ ປກສ ຕ້ອນຮັບແຂກ ສ ເກົາຫຼີ

by somchan

​ໃນ​ວັນ​ທີ 7 ພະຈິກ 2017 ນີ້ ພົນ​ຕີ​ ສິນ​ທະ​ວົງ ​ໄຊ​ຍະກອນ ຮອງ​ລັດຖະມົນຕີ​ກະຊວງ​ ປກສ ​ໄດ້​ຕ້ອນຮັບ​ທ່ານ ຮານ​ດົງ​ມານ ​ເອອັກຄະ​ລັດຖະທູດ ​ຕ່າງປະ​ເທດ ສ ​ເກົາຫຼີ ​ເນື່ອງ​ໃນ​ໂອກາດ​ທີ່ ​ເດີນທາງ​ມາ​ຢ້ຽມຢາມ ​ແລະ ​ເຮັດ​ວຽກ​ຢູ່​ ສປປ ລາວ. ​ໂອກາດ​ນີ້ ທ່ານ​ຮອງ​ລັດຖະມົນຕີ ກະຊວງ ປກສ ​ໄດ້​ສະ​ແດງ​ຄວາມ​ຕ້ອນຮັບ ​ຢ່າງ​ອົບ​ອຸ່ນ​ຕໍ່​ການ​ຢ້ຽມຢາມຂ່ຳນັບ​ໃນ​ຄັ້ງ​ນີ້ ພ້ອມ​ດຽວ​ກັນ​ນີ້​ ທັງ​ສອງ​ຝ່າຍ​ໄດ້​ປຶກສາ​ຫາ​ລື​ກັນ​ຫຼາຍ​ບັນ​ຫາ ​ເປັນ​ຕົ້ນ​ແມ່ນ​ການ​ຮ່ວມ​ມື​ກັນ​ດ້ານ​ຕ່າງໆ

 ທີ່​ພົວພັນ​ເຖິງ​ຄວາມ​ສະຫງົບ, ຄວາມ​ເປັນ​ລະບຽບ​ຮຽບຮ້ອຍ ​ແລະ ການ​ຮ່ວມ​ມື​ຊ່ວຍ​ຫຼື​ອ​ເຊິ່ງກັນ​ ແລະ ກັນຂອງ​ທັງ​ສອງ​ປະ​ເທດ​ເວົ້າ​ລວມ,

​ເວົ້າ​ສະ​ເພາະ ​ແມ່ນ​ກຳລັງ​ປ້ອງ​ກັນຄວາມສະຫງົບໃນ​ໄລຍະ​ຜ່ານ​ມາ ​ແລະ ​ໃນ​ຕໍ່ໜ້າ​ນີ້ ກໍ່​ຈະ​ສືບ​ຕໍ່​ພົວພັນ​ຮ່ວມ​ມື​ຊ່ວຍ​ເຫຼືອ​ເຊິ່ງກັນ ​ແລະ ກັນ​ໃຫ້​ແໜ້ນ​ແຟ້ນຂຶ້ນ​ກວ່າ​ເກົ່າ ​ໂດຍ​ສະ​ເພາະ​ແມ່ນ​ດ້ານ​ຮັກສາ​ຄວາມ​ສະຫງົບ​ຂອງ​ທັງ​ສອງ​ປະ​ເທດ ​ເພື່ອ​ປົກ​ປ້ອງ, ຄຸ້ມ​ຄອງ​ປະຊາຊົນ ​ແລະ ອຳນວຍ​ຄວາມ​ສະດວກ​ທີ່​ພັກ​ເຊົາ, ດຳລົງ​ຊີວິດ, ທ່ອງ​ທ່ຽວ ​ແລະ ດຳ​ເນີນ​ທຸລະ​ກິດ​ຢູ່​ທັງ​ສອງ​ປະ​ເທດ ​ໃຫ້​ມີ​ການ​ເຄື່ອນ​ໄຫວ​ວຽກ​ຕ້ອງຕາ​ມກົດໝາຍ ​ແລະ ມີ​ຄວາມ​ປອດ​ໄພ.

 

Off

Comments are closed.