20th Feb2018

ຮອງລັດຖະມົນຕີກະຊວງ ປກສ ລົງຊີ້ນຳວຽກ ງານກໍ່ສ້າງຮາກຖານຢູ່ເມືອງສີສະຕະນາກ

by somchan

ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງ ປ້ອງກັນຄວາມສະຫງົບ ຫົວໜ້າຄະນະຊີ້ນຳ ວຽກງານກໍ່ສ້າງຮາກຖານການເມືອງນະຄອນຫລວງ ວຽງຈັນ ໄດ້ລົງຊີ້ນຳວຽກງານກໍ່ສ້າງຮາກຖານຢູ່ກອງ 103 ເມືອງສີສະຕະນາກ ໃນວັນທີ 13 ກຸມພາ 2018 ນີ້້ ໂດຍມີຄະນະຊີ້ນຳລວມ ແລະ ພະນັກງານກໍ່ສ້າງຮາກຖານກອງ 103 ເຂົ້າຮ່ວມ.

ພັນໂທ ກົງ ຂະນະລັງສຸກ ຮອງຫົວໜ້າກອງບັນຊາການ ປກສ ເມືອງສີສະຕະນາກ ຄະນະຊີ້ນຳວຽກງານກໍ່ສ້າງຮາກຖານ ໄດ້ລາຍງານໃນການຈັດຕັ້ງປະຕິບັດວຽກງານກໍ່ສ້າງຮາກຖານ ຢູ່ກອງ 103 ຢູ່ເມືອງສີສັດຕະນາກ ເຊິ່ງມີກຳລັງລົງກໍ່ສ້າງຮາກຖານຄັ້ງນີ້ມີ 104 ສະຫາຍ ຍິງ 4 ສະຫາຍ ມາຈາກກົມກອງອ້ອມຂ້າງກະຊວງປ້ອງກັນຄວາມສະຫງົບ 30 ສະຫາຍ , ຍິງ 1 ສະຫາຍ, ມາຈາກ ປກສ ນະຄອນຫຼວງວຽງຈັນ, ປກສ ແຂວງ 8 ສະຫາຍ ແລະ ກຳລັງຂອງບັນຊາການ ປກສ ເມືອງສີສັດຕະນາກ 62 ສະຫາຍ ຍິງ 2 ສະຫາຍ.

ພາຍຫຼັງມີຂໍ້ຕົກລົງຂອງກະຊວງປ້ອງກັນຄວາມສະຫງົບ ແລະ ຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ,  ກອງກໍ່ສ້າງຮາກຖານກອງ 103 ເຂົ້າປະຈຳການຢູ່່ກອງບັນຊາການ ປກສ ເມືອງສີສະຕະນາກ ໃນວັນທີ 5 ທັນວາ 2017 ທ່ານໄດ້ໃຫ້ຮູ້ວ່າ: ເຊິ່ງໄດ້ຈັດແບ່ງກຳລັງລົງກຸ່ມບ້ານ, ລົງບ້ານ ເພື່ອສົມທົບກັບອຳນາດການປົກຄອງບ້ານ ກຽມພ້ອມນຳພາຈັດຕັ້ງປະຕິບັດແຜນການ 3  ຫຼຸດ 3 ເພີມ 3 ຂະບວນການ ຕິດພັນກັບຈັດສັນຄວາມບໍ່ເປັນລະບຽບຮຽບຮ້ອຍໂດຍເລັ່ງໃສ່ເຮັດໜ້າທີ່ເກັບກຳສະພາບຮອບດ້ານ, ນຳພາ ປກສ ບ້ານກວດກາລາດຕະເວນ, ປ້ອງກັນໄລຍະປີໃໝ່ສາກົນ 2018 ແລະ ປິ່ນອ້ອມຢູ່ຮາກຖານຈຳນວນໜຶ່ງ,  ເຊິ່ງຄະນະຊີ້ນຳກໍ່ສ້າງຮາກຖານກອງ 103 ໄດ້ມີການປະສານສົມທົບກັບອົງການປົກຄອງເມືອງ ອຳນາດການປົກຄອງບ້ານເກົ້າຍອດ ຈັດຕັ້ງປະຕິບັດວຽກງານກໍ່ສ້າງຮາກຖານ ການເຮັດທົດລອງຢູ່ບ້ານເກົ້າຍອດ ເພື່ອສ້າງຄວາມຮັບຮູ້ເຂົ້າໃຈ ໃຫ້ແກ່ພະນັກງານກໍ່ສ້າງຮາກຖານ. ປະຈຸບັນພວມຢູ່ໃນໄລ່ຍະສະຫຼຸບສັງລວມຂໍ້ມູນຕ່າງໆ ແລະ ສົມທົບກັບອຳນາດການປົກຄອງບ້ານ ແກ້ໄຂບາງບັນຫາທີ່ພົນເດັ່ນ.

ສັງລວມແລ້ວໃນໄລຍະ 2 ເດືອນຜ່ານມາ ກອງກໍ່ສ້າງຮາກຖານກອງ 103 ໄດ້ນຳພາ ປກສ ບ້ານ ເຮັດໜ້າທີ່ຄຸ້ມຄອງສຳມະໂນຄົວ, ກວດກາການໜຶ່ງຕີງຂອງພົນລະເມືອງ ໂດຍເລັ່ງໃສ່ກວດກາການພັກເຊົາຊົ່ວຄາວ ຢູ່ຕາມເຮືອນເຊົ່າ ແລະຫ້ອງເຊົ່າ ໄດ້ 36 ຄັ້ງ, ພົບເຫັນຜູ້ມາພັກເຊົ່າ 838 ຄົນ ຍິງ  484 ຄົນ ໄດ້ເຮັດບົດບັນທຶກສັນຍາຮັກສາຄວາມສະຫງົບ ກັບຄອບຄົວທີ່ເຫັນວ່າມີຄວາມສ່ຽງ ໃນໄລຍະປີໃຫມ່ສາກົນຜ່ານມາ ໄດ້ທັງໝົດ 285 ສະບັບ, ມີ 270 ຄອບຄົວ ແລະ 15 ບໍລິສັດ ນຳພາ ປກສ ບ້ານ ອອກກວດກາລາດຕະເວນຕາມທາງຮ່ອມ ທາງສັບສົນ ຈຸດມັກເກີດອາຊະຍາກຳໄດ້ 38 ຄັ້ງ  180 ແຮງງານ.

ພ້ອມດຽວກັນນີ້, ວຽກງານແກ້ໄຂສະພາບກົດການຫຍໍ້ທໍ້ ໄດ້ສຸມໃສເກັບກຳສະພາບຮອບດ້ານສ່ອງແສງລາຍງານຂັ້ນເທິງເປັນປົກກະຕິ ນຳພາຮັກສາລະບອບປະຈຳການຕະຫລອດ 24 ຊົ່ງໂມງ ສົມທົບກັບໜ່ວຍງານສະກັດກັ້ນຢາເສບຕິດ, ໜ່ວຍງານຈະລາຈອນໂຄສະນາບຽບຈະລາຈອນ ແລະ ຜົນຮ້າຍຂອງໄພອັນຕະລາຍຢາເສບຕິດຢູ່ບັນດາໂຮງຮຽນ. ສັງລວມສະພາບກົດການຫຍໍ້ທໍ້ທີ່ເກີດຂຶ້ນໃນໄລຍະລົງກໍ່ສ້າງຮາກຖານການເມືອງ 2 ເດຶອນ ມີຄະດີເກີດຂຶ້ນ 34 ເລື່ອງ ໃນນີ້, ມ້າງໄດ້ 5 ເລື່ອງ ກັກຕົວຜູ້ກະທຳຜິດໄດ້ 16 ຄົນ ຍິງ 1 ຄົນ,  ບັນຫາທີ່ພົ້ນເດັ່ນແມ່ນການລັກຊັບ, ປຸ້ນຊັບພົນລະເມືອງ  ພ້ອມດຽວກັນນີ້, ໄດ້ແກ້ໄຂຄະດີຢາເສບຕິດໄດ້ 7 ເລື່ອງ, ກັກຕົວຜູ້ກະທຳຜິດໄດ້ 13 ຄົນ ຢຶດຢາບ້ານໄດ້ 9,200 ກວ່າເມັດ, ຢາໄອ 5  ຖົງ, ແກ້ໄຂກຸ່ມແກ້ງມົ້ວສຸມຢາເສບຕາມຮ້ານເກມໄດ້ 30 ຄົນ.

ໂອກາດດຽວກັນນີ້, ພົນ ກົງທອງ ພົງພິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ໂອ້ລົມ ແລະ ເນັ້ນຫນັກກຳລັງກໍສ້າງຮາກຖານກອງ 103 ເມືອງສີສັດຕະນາກ ຕັ້ງໜ້າສຸມໃສໃນການກໍສ້າງຮາກຖານການເມືອງ ໃນເຂດຄວາມຮັບຜິດຊອບຂອງຕົນ ໃຫ້ມີຄວາມສະຫງົບຄວາມເປັນລະບຽບຮຽບຮ້ອຍ ເຮັດໃຫ້ທຸກປະກົດການຍໍ້ທໍ້ຕ່າງໆ ທີ່ເກີດຂຶ້ນພາຍໃນເມືອງສີສັຕນາກນັບມື້ຫຼຸດໜ້ອຍຖອຍລົງ.

 

Off

Comments are closed.