15th Jun2018

ຮອງລັດຖະມົນຕີກະຊວງ ປກສ ລົງຊີ້ນຳ ວຽກງານກໍ່ສ້າງຮາກການເມືອງຢູ່ເມືອງ ຫາດຊາຍຟອງ.

by somchan

ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ທັງເປັນຫົວໜ້າຊີ້ນຳວຽກງານກໍ່ສ້າງຮາກຖານການເມືອງ ໃນນະຄອນຫຼວງວຽງຈັນ, ໄດ້ລົງຊີ້ນຳວຽກງານກໍ່ສ້າງຮາກການເມືອງຢູ່ເມືອງຫາດຊາຍຟອງ, ໃນວັນທ 13 ມີຖຸນາ 2018 ນີ້, ມີ ທ່ານສຸກສະຫວັນ ບຸດຕະວົງ ເຈົ້າເມືອງຫາດຊາຍຟອງ ນະຄອນຫຼວງວຽງຈັນ, ຄະນະພັກ-ຄະນະບັນຊາ, ປກສ ກຸ່ມ ທົ່ວເມືອງ ຫາດຊາຍຟອງ ແລະ ພະນັກງານລົງກໍ່ສ້າງຮາກຖານການເມືອງເຂົ້າຮ່ວມ. ພັນໂທ ສັງວານ ແກ້ວປະເສີດ ຫົວໜ້າກອງບັນຊາການເມືອງຫາດຊາຍຟອງ ນະຄອນຫຼວງວຽງຈັນ ໄດ້ຜ່ານບົດລາຍງານການເຄື່ອນໄຫວຈັດຕັ້ງປະຕິບັດວຽກງານກໍ່ສ້າງຮາກຖານການເມືອງໃນໄລຍະ 6 ເດອືນຜ່ານມາ, ຂອງກອງຮ້ອຍ 6 ເມືອງຫາດຊາຍຟອງ ໂດຍໄດ້ປະຕິບັດຕາມຄຳສັ່ງຂອງເຈົ້າຄອງນະຄອງຫຼວງວຽງຈັນ ແລະ ແຜນແມ່ບົດຂອງກະຊວງປ້ອງກັນຄວາມສະຫງົບ, ວ່າດ້ວຍການຫັນເອົາກຳລັງລົງສ້າງຮາກຖານການເມືອງ, ຕິດພັນກັບການຈັດສັນຄວາມເປັນລະບຽບຮຽບຮ້ອຍຂອງສັງຄົມຢູ່ນະຄອນຫຼວງວຽງຈັນ ປະຈຳ ປີ 2018 ໂດຍໄດ້ສົມທົບກັບພາກສ່ວນກ່ຽວຂ້ອງເປັນຕົ້ນແມ່ນ ປກສ ກຸ່ມ, ປກສ ບ້ານ ແລະ ອົງການຈັດຕັ້ງບ້ານແຕ່ລະບ້ານ ສຸມໃສ່ແກ້ໄຂປະກົດການຫຍໍ້ທໍ້ໃນສັງຄົມເຊັ່ນ: ບັນຫາຢາເສບຕິດ, ຂີ້ລັກງັດແງະ, ປຸ້ນຈີ້ຊິງຊັບ ແລະ ອື່ນໆ.

ພ້ອມທັງກວດກາຕິດຕາມຂຶ້ນບັນຊີເປົ້າໝ!ຍກຸ່ມຄົນບໍ່ດີ, ເອົາໃຈໃສ່ປ້ອງກັນເວນຍາມຮັກສາຄວາມສະຫງົບຕາມຊາຍແດນ, ຈຸດທີ່ມີຄວາມສ່ຽງຕາມເສັ້ນທາງ,​ ກຸ່ມບ້ານ ຕະຫຼວດ 24 ຊົ່ວໂມງ. ເພື່ອຕິດຕາມເກັບກຳສະພາບຕ່າງໆໃຫ້ທັນກັບສະພາບຕົວຈິງ. ນອກນີ້, ຍັງໄດ້ຄຸ້ມຄອງກວດກາບັນດາຫ້າງຮ້ານບັນເທີງ, ຮ້ານກິນດື່ມ, ເຮືອນພັກ, ໂຮງແຮມ ແລະ ສະຖານທີ່ທ່ອງທ່ຽວຕ່າງໆ ເພື່ອໃຫ້ມີຄວາມເປັນລະບຽບຮຽບຮ້ອຍ ແລະ ຖືກຕ້ອງຕາມກົດໝາຍ. ພ້ອມນັ້ນກໍ່ໄດ້ໂຄສະນາເຜີຍແຜ່ບັນດາມະຕິ, ຄຳສັ່ງ, ນິຕິກຳຕ່າງໆຂອງຂັ້ນເທິງ ກ່ຽວກັບການເພີ່ມທະວີວຽກງານປ້ອງກັນຄວາມສະຫງົບ , ຜົນຮ້າຍຂອງຢາເສບຕິດ, ບັນຫາອຸປະຕິເຫດ ແລະ ອື່ນໆ ໃຫ້ປະຊາຊົນໄດ້ມີຄວາມຮັຍຮູ້ເຂົ້າໃຈ ແລະ ເປັນເຈົ້າການປະກອບສ່ວນເຂົ້າໃນວຽກງານດັ່ງກ່າວ.

ຜ່ານການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງໃນໄລຍະ 6 ເດືອນຕົ້ນປີ 2018 ມາຮອດປະຈຸບັນສາມາດປະຕິບັດວຽກງານຕ່າງໄດ້ເປັນຢ່າງດີ ໂດຍສະເພາະການເກັບກຳສະພາບຂອງພົນລະເມືອງ, ທົ່ວເມືອງມີພົນລະເມືອງທັງໝົດ 9 ໝື່ນກວ່າຄົນ,ຍັງບໍ່ໄດ້ຂຶ້ນສຳມະໂນຄົວ 1 ພັນກວ່າຄົນ, ມາພັກເຊົາຊົ່ວຄາວ 1 ພັນກວ່າຄົນ, ສາມາດ ມ້າງລາຍຄະດີຕ່າງໆໄດ້ 111 ລາຍ, ກັກຕົວຜູ້ກະທຳຜິດໄດ 147ຄົນ, ສາມາດຢືດຢາບ້າໄດ້ 8 ພັນວ່າເມັດ, ຢາໄອສ 2 ພັນກວ່າກຣາມ, ລົດຈັກ 58 ຄັນ, ລົດໃຫຍ່ 2 ຄັນ, ປືນ 3 ກະບອກ ແລະ ອື່ນໆ. ມາຮອດປະຈຸບັນ, ການລົງກໍ່ສ້າງຮາກຖານການເມືອງ, ທົ່ວເມືອງຫາດຊາຍຟອງແມ່ນເຮັດສຳເລັດແລ້ວ 11 ບ້ານ ແລະ ໃນຕໍ່ໜ້າຈະໄດ້ສືບຕໍ່ຈັດຕັ້ງປະຕິບັດຕື່ມອີກ 3 ບ້ານ.

ໃນໂອກາດນີ້, ພົນຕີ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ຍັງໄດ້ຊີ້ນຳ ແລະ ເໜັ້ນໜັກໃຫ້ຄະນະພັກຄະນະບັນຊາ ແລະ ພະນັກງານກໍ່ສ້າງຮາກຖານ ຕ້ອງໄດ້ເພີ່ມທະວີເອົາໃຈໃສ່ຕໍ່ວຽກງານປ້ອງກັນຄວາມສະຫງົບລຽບຕາມຊາຍແດນ ແລະ ຈຸດທີ່ມີຄວາມສ່ຽງ, ເອົາໃຈໃສ່ປະສານສົມທົບກັບພາກສ່ວນທີ່ກ່ຽວຂ້ອງສຶກສາອົບຮົມປຸກລະດົມປະຊາຊົນໃຫ້ມີຄວາມຮັບຮູ້, ເຂົ້າໃຈຕໍ່ແນວທາງນະໂຍບາຍຂອງພັກ ແລະ ເປັນເຈົ້າການປະກອບສ່ວນ ໃນການຈັດຕັ້ງປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ ເພື່ອຮັບປະກັນເຮັດໃຫ້ນະຄອນຫຼວງວຍງຈັນມີຄວາມສະຫງົບ, ປອດໄພ ແລະ ເປັນລະບຽບຮຽບຮ້ອຍດີ.

Off

Comments are closed.