12th Oct2017

ຮອງລັດຖະມົນຕີ ກະຊວງ ປກສ ຕ້ອນຮັບ ເອກອັກຄະລັດຖະທູດ ອົດສະຕາລີ.

by somchan

ໃນ​ວັນ​ທີ 10 ຕຸລາ ນີ້ ພົຕ ກົງ​ທອງ ພົງ​ວິຈິດ ຮອງ​ລັດຖະມົນຕີ ກະຊວງ ປກສ ​ໄດ້​ຕ້ອນຮັບ ທ່ານ ຈ໊ອດວິນ​ລ່ຽມ ​ເອກ​ອັກຄະ​ລັດຖະທູດ​ ອົດ​ສະ​ຕາ​ລີ ປະຈຳ​ລາວ.

​ໃນ​ໂອກາດ​ນີ້ ທ່ານ ອັກຄະ​ລັດຖະທູດ​ ອົດ​ສະ​ຕາ​ລີ ​ໄດ້​ລາຍ​ງານ​ກ່ຽວກັບ ການ​ກະກຽມ​ຄວາມ​ພ້ອມ ​ເປັນ​ເຈົ້າພາບ​ຈັດ​ກອງ​ປະຊຸມ​ອາ​ຊຽນ-ອົດ​ສະ​ຕາ​ລີ ວ່າ​ດ້ວຍ​ການ​ຮ່ວມ​ມື​ຕ້ານ​ການ​ກໍ່​ການ​ຮ້າຍ ​ໂດຍ​ແມ່ນ​ປະທານ​ອົດ​ສະ​ຕາ​ລີ ​ຈະເປັນ​ເຈົ້າພາບ​ຈັດ​ຂື້ນ ​ໃນ​ປີ 2018 ພ້ອມ​ກັນ​ນີ້ ທ່ານ​ເອກ​ອັກຄະ​ລັດຖະທູດ ​ໃນ​ນາມ​ຕາງໜ້າ​ລັດຖະບານ​ອົດ​ສະ​ຕາ​ລີ ຍັງ​ໄດ້​ເຊີນ​ຄະນະ​ຜູ້​ແທນ​ຂັ້ນ​ສູງ​ຂອງ ກະຊວງ ປກສ ລາວ ​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ.

​ໂອກາດ​ດຽວ​ກັນ ພົຕ ກົງ​ທ​ອງ ພົງ​ວິຈິດ ຮອງ​ລັດຖະມົນຕີ ກະຊວງ ປກສ ຍັງ​ໄດ້​ສະ​ແດງ​ຄວາມ​ຊົມ​ເຊີຍ ​ໃນ​ການ​ເອົາ​ໃຈ​ໃສ່​ຂອງ ລັດຖະບານ ອົດ​ສະ​ຕາ​ລີ ຕໍ່​ກັບ​ວຽກ​ງານ​ ຕ້ານ​ການ​ກໍ່​ການ​ຮ້າຍ ພ້ອມ​ທັງ​ກະກຽມ​ເປັນ​ເຈົ້າພາບ ຈັດ​ກອງ​ປະຊຸມ ວ່າ​ດ້ວຍ​ການ​ຮ່ວມ​ມື​ຕ້ານ​ການ​ກໍ່​ການ​ຮ້າຍ​ໃນ​ປີ 2018 ນີ້ ສຳລັບ​ກະຊວງ​ ປກສ ລາວ ​ແມ່ນ​ມີ​ຄວາມ​ຍິນ​ດີ​ໃຫ້ການ​ຮ່ວມ​ມື​ດ້ານ​ວຽກ​ງານ​ດັ່ງກ່າວ​ຢ່າງ​ຕັ້ງໜ້າ ​ແລະ ​ໃຫ້​ຄຳ​ໜັ້ນສັນຍາ​ວ່າ ຄະນະ​ຜູ້​ແທນ​ຂັ້ນ​ສູງ​ຂອງ​ກະຊວງ ປກສ ລາວ ຈະ​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ​ຢ່າງ​ແນ່ນອນ

Off

Comments are closed.