29th Aug2018

ຮອງລັດຖະມົນຕີ ກະຊວງ ປກສ ລົງຊີ້ນຳ ວຽກງານກໍ່ສ້າງຮາກຖານການເມືອງ ຢູ່ກອງຮ້ອຍ 1

by somchan

ພົນຕີ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ຫົວໜ້າຄະນະຊີ້ນຳວຽກງານ ກໍ່ສ້າງຮາກຖານການເມືອງ ຢູ່ນະຄອນຫຼວງວຽງຈັນ ໄດ້ລົງຊີ້ນຳວຽກງານ ກໍ່ສ້າງຮາກຖານການເມືອງ ຢູ່ກອງຮ້ອຍ 1 ເມືອງ ຈັນທະບູລີ ນະຄອນຫຼວງວຽງຈັນ ໃນວັນທີ 8 ສິງຫາ 2018 ນີ້ ຢູ່ທີ່ວັດບ້ານທົ່ງຕູມ , ເມືອງຈັນທະບູລີ ມີເຈົ້າເມືອງ, ຫົວໜ້າກອງບັນຊາການ ປກສ ນະຄອນຫຼວງວຽງຈັນ, ຮອງຫົວໜ້າກົມໃຫຍ່ ຄະນະຮັບຜິດຊອບຊີ້ນຳ ວຽກງານກໍ່ສ້າງຮາກຖານການເມືອງ, ພະນັກງານກໍ່ສ້າງຮາກຖານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.ພັອ ສຸພາ ອິນທະວົງສາ ຫົວໜ້າກົມຄຸ້ຄອງຄົນຕ່າງປະເທດ ກົມໃຫຍ່ 502 ກະຊວງປ້ອງກັນຄວາມສະຫງົບ, ຮອງຫົວໜ້າກອງຮ້ອຍ 1 ເມືອງຈັນທະບູລີ ໄດ້ສະຫຼຸບລາຍງານ ການເຮັດທົດລອງການຈັດຕັ້ງປະຕິບັດບັນດາວຽກງານຈຸດສຸມບາດກ້າວທີ 3 ວຽກງານຄຸ້ມຄອງຄົນຕ່າງປະເທດ ຢູ່ ບ້ານ ທົ່ງຕູມ ເມືອງຈັນທະບູລີ ນະຄອນຫຼວງວຽງຈັນ. ເຊິ່ງທ່ານໄດ້ກ່າວວ່າ: ບ້ານທົ່ງຕູມເປັນບ້ານໜຶ່ງໃນ 5 ບ້ານ ທີ່ຂຶ້ນກັບກຸ່ມ 2 ເມືອງຈັນທະບູລີ ນະຄອນຫຼວງວຽງຈັນ, ບ້ານທົ່ງຕູມປະກອບມີ 19 ໜ່ວຍ ມີ 295 ຫຼັງຄາເຮືອນ, ມີ 197 ຄອບຄົວ, ມີພົນລະເມືອງທັງໝົດ 1.099 ຄົນ, ໃນນີ້ ມີຄອບຄົວຕ່າງດ້າວ 5 ຄອບຄົວ, ມີ 18 ຄົນ, ມີຄົນຕ່າງປະເທດທັງໝົດ 119 ຄົນ.ຜ່ານການປະຕິບັດວຽກງານຕົວຈິງ ນັບແຕ່ວັນທີ 20-28 ສິງຫາ 2018 ຢູ່ບ້ານທົ່ງຕູມ ສາມາດກວດພົບເຫັນຄົນຕ່າງປະເທດ ທີ່ມາພັກເຊົາ ແລະ ດຳເນີນກິດຈະການຕ່າງໆ ມີ 170 ຄົນ, ມີ 11 ສັນຊາດ ທຽບໃສ່ຂໍ້ມູນສຳຫຼວດໃນບາດກ້າວທີ 2 ຈຳນວນຄົນຕ່າງປະເທດທີ່ມາພັກເຊົາເພີ່ມຂຶ້ນ 51 ຄົນ.ມີຜູ້ລະເມີດ ກົດໝາຍ ລັກປະກອບອາຊີບ ມີ 6 ຄົນ, ມີ 3 ສັນຊາດ, ການເຮັດວຽກບໍ່ຖືກສະຖານທີ່ ມີ 115 ຄົນ, ມີ 4 ສັນຊາດ, ຢູ່ລາວກາຍກຳນົດ 2 ຄົນ.ພ້ອມນີ້ ບັນດາຄະນະຮັບຜິດຊອບ ແລະ ຜູ້ເຂົ້າຮ່ວມກໍ່ໄດ້ມີຄຳເຫັນ ຕໍ່ກັບການຈັດ ຕັ້ງປະຕິບັດເຮັດໜ້າທີ່ວຽກງານວິຊາສະເພາະຂອງການເຮັດທົດລອງການຈັດຕັ້ງປະຕິບັດບາດກ້າວທີ 3 ວຽກງານຄຸ້ມຄອງຄົນຕ່າງປະເທດຢູ່ບ້ານທົ່ງຕູມ ເມືອງຈັນທະບູລີ ນະຄອນຫຼວງວຽງຈັນ ມີເນື້ອໃນຄວາມໝາຍເລິກເຊິງ ເພື່ອປັບປຸງວຽກງານໃຫ້ດີຂຶ້ນກວ່າເກົ່າໃນຄັ້ງຕໍ່ໄປ ແລະ ໃຫ້ໄດ້ຮັບໝາກຜົນສູງສຸດ.
ໃນໂອກາດ ທີ່ມີຄວາມໝາຍສຳຄັນນີ້ ພົນຕີ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ຫົວໜ້າຄະນະຊີ້ນຳວຽກງານກໍ່ສ້າງຮາກຖານການເມືອງ ໃນການຈັດຕັ້ງປະຕິບັດເຮັດໜ້າທີ່ວຽກງານ ກໍ່ສ້າງຮາກຖານ ເຊິ່ງບາງຕອນທ່ານໄດ້ກ່າວວ່າ:

(ຟັງສຽງ ພົນຕີ ກົງທອງ ພົງວິຈິດ)

Off

Comments are closed.