20th Mar2018

ຮອງຫົວໜ້າກອງບັນຊາການ ປກສ ເມືອງໄຊເສດຖາ ລາຍງານຕໍ່ກອງປະຊຸມ ສະຫຼຸບວຽກງານ ປກສ ປະຈຳປີ 2017

by somchan

ພັນໂທ ເຄນທອງ ແກ້ວພັກດີ ຮອງຫົວໜ້າ ກອງບັນຊາການ ປກສ ເມືອງໄຊເສດຖາ ນະຄອນຫຼວງວຽງຈັນ ໄດ້ລາຍງານຢູ່ໃນກອງປະຊຸມ ສະຫຼຸບວຽກງານປ້ອງກັນຄວາມສະຫງົບ ປະຈຳປີ 2017 ໃນທ້າຍເດືອນກຸມພາ 2018 ວ່າ: ໃນໄລຍະ 1 ປີ ຜ່ານມາ ປກສ ເມືອງໄຊເສດຖາ ໄດ້ຖືເອົາວຽກງານຫັນລົງກໍ່ສ້າງຮາກຖານການເມືອງ ຕິດພັນກັບວຽກງານສາມສ້າງເປັນວຽກງານ ທີ່ສຳຄັນ ໂດຍປະຕິບັດຕາມແນວທາງປ້ອງກັນຊາດ-ປ້ອງກັນຄວາມສະຫງົບ, ປ້ອງກັນຄວາມສະຫງົບທົ່ວປວງຊົນຮອບດ້ານ ໄດ້ມີການປະສານສົມທົບກັບອຳນາດການປົກຄອງທ້ອງຖິ່ນຢ່າງຕໍ່ເນື່ອງ ດ້ວຍການຫັນເອົາກຳລັງຕຳຫຼວດບໍລິການປະຊາຊົນ ເຮັດສອງວຽກງານໃຫຍ່ຄື: ປະຕິບັດວຽກງານວິຊາສະເພາະ ແລະ ທັງເປັນພະນັກງານກໍ່ສ້າງຮາກຖານໄປພ້ອມໆກັນ ເພື່ອເຮັດໜ້າທີ່ຫັນເອົາວຽກງານປ້ອງກັນຊາດ,ປ້ອງກັນຄວາມສະຫງົບ. ພ້ອມນັ້ນ, ໄດ້ປັບປຸງການຈັດຕັ້ງ ປກສ ໄປພ້ອມໆກັບການຈັດຕັ້ງ ຝຶກອົບຮົມພາລະບົດບາດ-ໜ້າທີ່ ໃຫ້ ປກສ ບ້ານ ແຕ່ລະບ້ານ ເຮັດກຳລັງປ້ອງກັນຄວາມສະຫງົບ ຢູ່ພຶ້ນຖານບ້ານມີຄວາມໜັກແໜ້ນ  ດ້ານການເມືອງແນວຄິດ ຫ້າວຫັນຕໍ່ໜ້າທີ່ວຽກງານ ແລະ ມີຄວາມຮັບຜິດຊອບຫຼາຍຂຶ້ນ, ເຊິ່ງສະແດງອອກ: ໄດ້ຈັດຕັ້ງປະຈຳການ ແລະ ປ້ອງກັນເວນຍາມງານສຳຄັນຕ່າງໆ ບັນຫາປະກົດການຫຍໍ້ທໍ້ຫຼຸດລົງ ເຮັດໃຫ້ທົ່ວເມືອງມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍດີ.

ຜ່ານການຈັດຕັ້ງປະຕິບັດວຽກງານ ຫັນລົງກໍ່ສ້າງຮາກຖານການເມືອງ ສາມາກວດກາພົບເຫັນພົນລະເມືອງ ທີ່ຍັງບໍ່ທັນໄດ້ຂຶ້ນສຳມະໂນຄົວ  659 ຄອບຄົວ, ມີ 7.251 ຄົນ, ຍິງ 432 ຄົນ ມີເຮືອນໃຫ້ເຊົ່າ 515 ຫຼັງ, ຫ້ອງແຖວ 918 ຫຼັງ ມີ 6.400 ກວ່າຫ້ອງ, ມີຄົນພັກເຊົາຊົ່ວຄາວ 13.000 ກວ່າຄົນ ຍິ່ງ700 ກວ່າຄົນ.

ອັນທີ່ພົ້ນເດັ່ນກໍຄື:​ ສາມາດເກັບກຳຂໍ້ມູນພື້ນຖານວຽກງານສຳມະໂນຄົວທັນສະໄຫມໄດ້ 12.000 ກວ່າຄົນ, ຍິງ 6.400 ກວ່າຄົນ, ເກັບກຳຂໍ້ມູນປະຫວັດບຸກຄົນເຂົ້າຖານຂໍ້ມູນ ແລະ ອອກບັດປະຈຳຕົວທັນສະໄຫມໄດ້ 6.700ກວ່າຄົນ ຍິງ 3.700 ກວ່າຄົນ.

Off

Comments are closed.