12th Nov2019

ຮອງ ລມຕ ກະຊວງ ປກສ ຕ້ອນຮັບການເຂົ້າພົບປະຢ້ຽມຢາມ ຂອງຫົວໜ້າກອງບັນຊາການ ປກສ ແຂວງກຸ້ຍໂຈ

by somchan

ໃນວັນທີ 12 ພະຈິກ 2019 ນີ້ ທ່ານ ພົຕ ປອ ສົມຫວັງ ທຳມະສິດ ຮອງລັດຖະມົນຕີກະຊວງ ປກສ ໄດ້ໃຫ້ກຽດຕ້ອນຮັບການເຂົ້າພົບປະຢ້ຽມຢາມ ຂອງທ່ານ ກົວລຸຍມີນ ຮອງເຈົ້າແຂວງ ຫົວໜ້າກອງບັັນຊາການ ປກສ ແຂວງກຸ້ຍໂຈ ສປ ຈີນ ພ້ອມຄະນະ.

ໃນໂອກາດທີ່ທ່ານມາເຄື່ອນໄຫວເຮັດວຽກຮ່ວມກັບ ປກສ ແຂວງວຽງຈັນ ເຊິ່ງທ່ານ ກົວລຸຍມີນ ໄດ້ລາຍງານການມາເຄື່ອນໄຫວເຮັດວຽກຢູ່ ສປປ ລາວ ແມ່ນເພື່ອປຶກສາຫາລືປະສານວຽກງານກັບກອງບັນຊາການ ປກສ ນະຄອນຫຼວງວຽງຈັນ ໃນຂົງເຂດວຽກງານປ້ອງກັນຄວາມສະຫງົບ ຮອບດ້ານ ໂດຍສະເພາະແມ່ນການຊ່ວຍເຫຼືອຈັບບຸກຄົນທີ່ຕ້ອງສົງໃສກໍ່ການກະທຳຜິດ ແລະ ຊ່ວຍເຫຼືອກວດກາຂໍ້ມູນເບາະແສຄະດີຂ້າມຊາດ, ວຽກງານ ສະກັດກັ້ນ ແລະ ປາບປາມຢາເສບຕິດ, ສະກັດກັ້ນ ແລະ ຕ້ານການໂຈລະກຳທາງອິນເຕີເນັດ, ຕ້ານອາຊະຍາກຳຂ້າມຊາດ, ຕ້ານການຄ້າມະນຸດ ແລະ ການນຳຊອກຈັບເປົ້າໝາຍທີ່ໄປລີ້ຊ້ອນຢູ່ຂົງເຂດຮັບຜິດຊອບຂອງທັງ ສອງພາກສ່ວນ.

ພ້ອມດຽວກັນນີ້ ພົຕ ສົມຫວັງ ທຳມະສິດ ກໍ່ໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຂອງຄະນະກອງບັນຊາການ ປກສ ແຂວງກຸ້ຍໂຈ ສ ປ ຈີນ ໃນຄັ້ງນີ້ ຊຶ່ງມັນໄດ້ສະແດງໃຫ້ເຫັນໝາກຜົນແຫ່ງການຮ່ວມມື ວຽກງານ ປກສ ທັງສອງຝ່າຍ ພ້ອມທັງອວຍພອນໃຫ້ການມາເຄື່ອນໄຫວປຶກສາຫາລືວຽກງານກັບກອງບັນຊາການ ປກສ ນະຄອນຫຼວງວຽງຈັນ ຄັ້ງນີ້ມີຜົນສຳເລັດຢ່າງຈົບງາມ.

Off

Comments are closed.