14th May2019

ຮອງ ລມຕ ກະຊວງ ປກສ ຕ້ອນຮັບການຢ້ຽມຂ່ຳນັບ ຜູ້ແທນກະຊວງຕຳຫຼວດຫວຽດນາມ

by somchan

 

ວັນທີ13ພືດສະພານີ້ ຮອງລັດຖະມົນຕີ ກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າການເຂົ້າຢ້ຽມຂ່ຳນັບຂອງ ພົຈວ ຫງວຽ໋ນ ແມັງຈຸງ ຫົວໜ້າກົມ A06 ກະຊວງຕຳຫຼວດຫວຽດນາມ, ພ້ອມດ້ວຍຄະນະ ໂອກາດທີ່ທ່ານໄດ້ມາຢ້ຽມຢາມ ແລະ ເຮັດວຽກ ຮ່ວມກັບກົມ 202 ແລະ 205 ກົມສັນຕິບານ, ກະຊວງປ້ອງກັນຄວາມສະຫງົບ ລາວ ໃນລະຫວ່າງວັນທີ 13-14 ພືດສະພາ 2019 ນີ້.

ໃນໂອກາດນີ້ ພົຈວ ຫງວຽ໋ນ ແມັງຈຸງ ຫົວໜ້າກົມ A06 ກະຊວງຕຳຫຼວດຫວຽດນາມໄດ້ລາຍງານຈຸດປະສົງ ໃນການມາຢ້ຽມຢາມ ແລະ ເຮັດວຽກງານວິຊາສະເພາະ ຮ່ວມກັບກົມ 202, 205 ກົມໃຫ່ຍສັນຕິບານ ໃຫ້ ທ່ານ ຮອງລັດຖະມົນຕີໄດ້ຮັບຊາບ ເປັນຕົ້ນແມ່ນການພົວພັນຮ່ວມມືຊ່ວຍເຫຼືອເຊີ່ງກັນ ແລະ ກັນ ດ້ານວຽກງານວິຊາສະເພາະ ໃນການຮັກສາຄວາມສະຫງົບ ປອດໄພໃຫ້ແກ່ການນຳ ພັກ-ລັດ ແລະ ຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍຂອງທັງສອງປະເທດ ໂອກາດດຽວກັນ ທ່ານ ຮອງລັດຖະມົນຕີ ກະຊວງປ້ອງກັນຄວາມສະຫງົບ ລາວ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການມາເຮັດວຽກ ຮ່ວມກັບກົມວິຊາສະເພາະຂອງກົມໃຫ່ຍສັນຕິບານ, ກະຊວງປ້ອງກັນຄວາມສະຫງົບ ຂອງ ພົຈວ ຫງວຽ໋ນ ແມັງຈຸງ ພ້ອມດ້ວຍຄະນະ ໃນນີ້ ເຊີ່ງເປັນຂິດໝາຍອັນສຳຄັນ ໃນການພົວພັນຮ່ວມມື ຊ່ວຍເຫຼືອເຊີ່ງກັນ ແລະ ກັນ ທາງດ້ານວຽກງານວິຊາສະເພາະລະຫວ່າງສອງ ກະຊວງປ້ອງກັນຄວາມສະຫງົບ ລາວ-ຫວຽດນາມ ເວົ້າລ່ວມເວົ້າສະເພາະແມ່ນກົມ A06 ແລະ ກົມ 202, 205 ກົມໃຫ່ຍສັນຕິບານ, ກະຊວງປ້ອງກັນຄວາມສະຫງົບ ລາວ ເພື່ອຮັບປະກັນຄວາມສະຫງົບປອດໄພ ໃຫ້ແກ່ການນຳພັກ-ລັດ ແລະ ປະເທດຊາດ, ພ້ອມນີ້ ທ່ານ ຮອງລັດຖະມົນຕີ ກະຊວງປ້ອງກັນຄວາມສະຫງົບ ຍັງໄດ້ໃຫ້ທິດຊີ້ນຳຕໍ່ກັບວຽກງານພົວພັນຮ່ວມມືກັນກັບກົມວິຊາສະເພາະ ໃນການເຮັດວຽກຮ່ວມກັນໃຫ້ໄດ້ຮັບໝາກຜົນສູງສຸດ ພົຈວ ຫງວຽ໋ນ ແມັງຈຸງ ກໍ່ໄດ້ສະແດງຄວາມຂອບໃຈຕໍ່ ທ່ານ ຮອງລັດຖະມົນຕີ ກະຊວງປ້ອງກັນຄວາມສະຫງົບ ລາວ ທີ່ໄດ້ໃຫ້ທິດຊີ້ນຳ ແລະ ໃຫ້ການຕ້ອນຮັບອັນອົບອຸ່ນ ພ້ອມທັງຈະນຳເອົາຄຳເຫັນຊີ້ນຳໄປຈັດຕັ້ງປະຕິບັດເຂົ້າໃນການພົວພັນຮ່ວມມືລະຫວ່າງ ກົມ A06 ກະຊວງຕຳຫຼວດຫວຽດນາມ ແລະ ກົມ 202, 205 ກົມໃຫ່ຍສັນຕິບານ ກະຊວງປ້ອງກັນຄວາມສະຫງົບ ລາວ ໃຫ້ໄດ້ຮັບໝາກຜົນສູງສຸດ.

 

Comments are closed.