28th Jan2019

ຮອງ ລມຕ ກະຊວງ ປກສ ເນັ້ນໜັກພ/ງກໍ່ສ້າງຮາກຖານທົ່ວປະເທດສຸມໃສ່ງຽກງານ ວິຊາສະເພາະໃຫ້ມີປະສິດທິຜົນ.

by somchan

 

ພົຕ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ໄດ້ໃຫ້ກຽດໂອ້ລົມຕໍ່ກອງປະຊຸມ ສະຫຼູບການເຄື່ອນໄຫວວຽກງານກໍ່ສ້າງຮາກຖານການເມືອງປະຈຳປີ 2018 ຂອງກົມຄຸມຄອງສຳມະໂນຄົວ ແລະ ກໍ່ສ້າງຮາກຖານ ໃນວັນທີ່ 25 ມັງກອນ 2019 ນີ້ ໂດຍທ່ານໄດ້ສະແດງຄວາມຍ້ອງຍໍຊົມເຊີຍຕໍ່ພະນັກງານ-ນັກຮົບທີ່ເຮັດວຽກງານກໍ່ສ້າງຮາກຖານການເມືອງຢູ່ບັນດາກົມກອງ-ທ້ອງຖີ່ນ ໃນຂອບເຂດທົ່ວປະເທດມີຜົນສຳເລັດ ຮອບດ້ານ ພ້ອມນີ້ທ່ານຍັງໄດ້ເນັ້ນໜັກ ໃຫ້ພະນັກງານນັກຮົບແຕ່ລະສະຫາຍຈົ່ງເພີມທະວີຄວາມເອົາໃຈໃສ່ຕໍ່ການປະຕິບັດວຽກງານວິຊາສະເພາະທີ່ການຈັດຕັ້ງກໍ່ຄືຂັນເທີງມອບໝາຍໃຫ້,ມີຜົນສຳເລັດ,ມີຄຸນນະພາບ,ມີທັດສະນະລັກໝັ້ນການນຳພາທີ່ເຂັ້ມແຂງ,ມີສະຕິຕໍ່ການຈັດຕັ້ງເປັນເຈົ້າການຕອບຕ້ານຕໍ່ກົນອຸບາຍຂອງກຸ່ມຄົນບໍ່ດີປຸກລະດົມປະຊາຊົນບັນດາເຜົ່າໃຫ້ມີຄວາມຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ,ກົດໝາຍຂອງລັດ ແລະ ວຽກງານຂອງກຳລັງປ້ອງກັນຄວາມສະຫງົບ,ໂດຍສະເພາະແມ່ນວຽກງານກໍ່ສ້າງຮາກຖານການເມືອງຢູ່ບັນດາຕົວເມືອງ,ໃນຂອບເຂດທ້ອງຖີ່ນທີ່ຫ່າງໄກສອກຫຼີກ,ໄດ້ຮັບການເຄື່ອນໄຫວຈັດຕັ້ງປະຕິບັດຢ່າງທົ່ວເຖີງສຸມໃສ່ແກ້ໄຂບັນຫາປະກົດການຫຍໍ້ທໍ້ໃນສັງຄົມໃຫ້ນັບມື້ຫຼຸດໜ້ອຍຖອຍລົງເທື່ອລະກ້າວ.

 

Off

Comments are closed.