13th Feb2020

ຮອງ ລມຕ ກະຊວງ ປກສ ໄດ້ຕ້ອນຮັບການເຂົ້າຢ້ຽມ ຮອງ ລມຕ ກະຊວງການຕ່າງປະເທດ ຣົງກາລີ

by somchan

ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ອິດວານ ຈູ ຮອງລັດຖະມົນຕີ ກະຊວງການຕ່າງປະເທດ ແລະ ການຄ້າ ປະເທດ ຮົງກາລີ ພ້ອມຄະນະ. ໃນວັນທີ 13 ກຸມພາ 2020. ໃນໂອກາດທີ່ທ່ານເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 11-13 ກຸມພານີ້. ໂອກາດດັ່ງກ່າວ ພົຕ ກົງທອງ ພົງວິຈິດ ກໍໄດ້ສະແດງຄວາມຕ້ອນຮັບຢ່າງອົບອຸ່ນ ຕໍ່ການເຂົ້າຢ້ຽມຂ່ຳນັບໃນຄັ້ງນີ້ ແລະ ໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຂອງຄະນະນຳກະຊວງການຕ່າງປະເທດ ແລະ ການຄ້າປະເທດຮົງກາລີ ອັນໄດ້ສະແດງໃຫ້ເຫັນການພົວພັນຮ່ວມມືທີດີຕໍ່ກັນພ້ອມນີ້.ທັງສອງຝ່າຍກໍໄດ້ປຶກສາຫາລືກັນ ກ່ຽວກັບການຈັດຕັ້ງປະຕິບັດໂຄງການຕ່າງໆ ໃນການຮ່ວມມືແຜນພັດທະນາເສດຖະກິດ- ສັງຄົມ ໃນໄລຍະຜ່ານມາ ເຊີ່ງທັງສອງລັດຖະບານກໍ ໄດ້ມີການຮ່ວມມືກັນໃນຫຼາຍດ້ານ ເປັນຕົ້ນແມ່ນໃນການສົ່ງເສີມການພັດທະນາເສດຖະກິດ-ສັງຄົມຂອງລາວໃຫ້ມີການຂະຫຍາຍຕົວ, ເວົ້າສະເພາະກໍ່ຄື ກະຊວງປ້ອງກັນຄວາມສະຫົງບລາວ ເພື່ອເປັນການພັດທະນາກຳລັງປ້ອງກັນຄວາມສະຫົງບໃຫ້ມີຄວາມເຂັ້ມແຂງໃນທຸກຂົງເຂດວຽກງານວິຊາສະເພາະ.

 

Off

Comments are closed.