15th Dec2014

ຮັກສາການ ລັດຖະມົນຕີ ວ່າການກະຊວງ ປກສ ພົບປະໂອ້ລົມຄະນະຊີ້ນຳ, ຄູເຝິກ ແລະ ນັກກິລາ

by somchan

ໃນໂອກາດທີ່ ພົຈວ ສົມແກ້ວ ສີລາວົງ ຮັກສາການ ລັດຖະມົນຕີ ວ່າການກະຊວງປ້ອງກັນຄວາມສະຫງົບເຂົ້າຮ່ວມພິທີເປີດງານ ມະຫະກຳກິລາແຫ່ງຊາດ ຄັ້ທ 10 ທີ່ແຂວງອຸດົມໄຊ ທ່ານໄດ້ໃຫ້ກຽດພົບປະໂອ້ລົມຄະນະຊີ້ນຳ, ຄູເຝິກ ແລະ ນັກກິລາ ແຕ່ລະປະເພດຂອງກະຊວງປ້ອງກັນຄວາມສະຫງົບທີ່ເຂົ້າຮ່ວມ ຊີງໄຊອຸດົມເກມ ຄັ້ງທ 10. ໃນວັນທີ 13 ທັນວາ ນີ້ ຢູ່ສະຖານທີ່ ພັກນັກກິລາ ກະຊວງ ປ້ອງກັນຄວາມສະຫງົບ ໂຮງຮຽນ ປກສ ຊັ້ນກາງເລກ 4 ແຂວງອຸດົມໄຊ.

ບັນດາຄະນະຊີ້ນຳນັກກິລາແຕ່ລະປະເພດໄດ້ລາຍງານກ່ຽວກັບການແຂ່ງຂັນກິລາແຕ່ລະປະເພດ ໃນນັ້ນກິລາແຂ່ງສຳເລັດແມ່ນກິລາປິງປ່ອງ ກະຊວງປ້ອງກັນຄວາມສະຫງົບຍາດໄດ້ 3 ຫຼຽນຄຳ,  3ຫຼຽນເງິນ, 3 ຫຼຽນທອງ, ກິລາຊ່ວງເຮືອ ກະຊວງປ້ອງກັນຄວາມສະຫງົບຍາດໄດ້ 1 ຫຼຽນຄຳ, 1 ຫຼຽນເງິນ ແລະ 2 ຫຼຽນທອງ, ກິລາມວຍປັນ ຈັດຊີລັດ ກະຊວງ ປກສ ຍາດໄດ້ 3 ຫຼຽນຄຳ, 3 ຫຼຽນທອງ ແລະ ກິລາເທັນນິດ ກະຊວງ ປກສ ຍາດໄດ້ 1 ຫຼຽນທອງແລະ ຍັງມີຫຼາຍປະເພດກິລາທີ່ສ້າງຜົນງານໄດ້ດີເດັ່ນເຊັ່ນ: ກິລາແລ່ນແລະລານ ເປຕັງ ແລະ ກິລາອື່ນໆ ທີ່ແຂ່ງຂັນຍັງບໍ່ທັນຈົບເທື່ອ.

ໃນໂອກາດນີ້ ພົວຈ ສົມແກ້ວ ສີລາວົງ ຍັງໄດ້ຢ້ຽມຢາມນັກກິລາແຕ່ລະປະເພດ ຢູ່ສະຖານທີ່ພັກເຊົາພ້ອມທັງກ່າວຄຳຍ້ອງຍໍຊົມເຊີຍຕໍ່ຜົນງານຂອງນັກກິລາ ທີ່ລົງແຂ່ງຂັນໄປແລ້ວນັ້ນ ພ້ອມທັງປຸກລະດົມໃຫ້ກຳລັງໃຈ ທັງຄະນະຊີ້ນຳ, ຄູເຝິກ ແລະ ນັກກິລາ ແຕ່ລະປະເພດ ຈົ່ງເອົາໃຈໃສ່ທາງດ້ານການອຳນວຍຄວາມສະດວກຕ່າງໆ ໃຫ້ກັບນັກກິລາ ແລະ ປະຕິບັດໜ໊າທີ່ດ້ວຍຄວາມຮັບຜິດຊອບຢ່າງເຂັ້ມງວດ . ທັງນີ້ເພື່ອເຮັດໃຫ້ການສົ່ງທັບນັກກິລາກະຊວງປ້ອງກັນຄວາມສະຫງົບ ເຂົ້າຮ່ວມຊີງໄຊໃນຄັ້ງນີ້ໄດ້ຮັບໄຊຊະນະຕາມລະດັບຄາດໝາຍ.

Off

Comments are closed.