07th Oct2019

ເກີດເຫດຄາດຕະກຳເມຍຂອງຕົນເອງ ເສຍຊີວິດຄາທີ່

by somchan

ເມຶ່ອບໍ່ດົນມານີ້, ເຈົ້າໜ້າທີ່ຕຳຫຼວດ ເມືອງໄຊທານີ ນະຄອນຫຼວງວຽງຈັນ, ໄດ້ກັກຕົວທ້າວ ພອນໄຊ ອາຍຸ 38 ປີ ປະຊາຊົນຢູ່ບ້ານ ສົມສະຫວັນ ເມືອງໄຊທານີ ນະຄອນຫຼວງວຽງຈັນ ໃນຂໍ້ຫາຄາດຕະກຳ ນາງ ມະນີວອນ ເຊິ່ງເປັນເມຍຂອງຜູ້ກ່ຽວເອງ.

ຜ່ານການສືບສວນ-ສອບສວນ ຂອງເຈົ້າໜ້າທີ່ຕຳຫຼວດ ຜູ້ກ່ຽວໄດ້ໃຫ້ການວ່າ: ໃນວັນທີ 9 ກັນຍາ 2019 ຕົນເອງ ແລະ ນາງ ມະນີວອນ ຜູ້ເປັນເມຍແມ່ນໄດ້ຜິດຖຽງກັນຢ່າງຮຸນແຮງ ຈາກນັ້ນຕົນເອງຈິ່ງໄດ້ເອົາປືນແກບຍິງໃສ່ຫົວຂອງ ນາງ ມະນີວອນ 1 ຄັ້ງ ເຮັດໃຫ້ຜູ້ກ່ຽວລົ້ມລົງກັບພື້ນເສຍຊີວິດຄາທີ່ ແລ້ວຕົນເອງກໍ່ໄດ້ເອົາປືນຫຼົບໜີເຂົ້າປ່າ ແລະ ໃນເວລາຕໍ່ມາຈຶ່ງໄດ້ເຂົ້າມອບຕົວກັບເຈົ້າໜ້າທີ່ຕຳຫຼວດ.

ປະຈຸບັນເຈົ້າໜ້າທີ່ຕຳຫຼວດໄດ້ດຳເນີນຄະດີກັບຜູ້ກ່ຽວຕາມກົດໝາຍ.

Comments are closed.