20th Feb2018

ເກີດເຫດເຮືອແຕກຈົ່ມນ້ຳຢູ່ເມືອງປາກລາຍ ເຮັດໃຫ້ເສຍຊີວິດ 1 ຄົນ

by somchan

ໃນວັນທີ 18 ກຸມພາ 2018 ນີ້ ໄດ້ເກີດເຫດເຮືອຫຼົ້ມ ຢູ່ເຂດເມືອງປາກລາຍ ແຂວງໄຊຍະບູລີ ໄດ້ເຮັດໃຫ້ ມີຄົນເສຍຊີວິດ 1 ຄົນ ເຫດການດັ່ງກ່າວເກີດຂຶ້ນ ເວລາປະມານ 7 ໂມງຂອງວັນທີ 18 ກຸມພາ ຊຶ່ງທ້າວລັກອາຍຸ 27 ປີ ພ້ອມດ້ວຍເມຍຊື່ນາງ ຝົນອາຍຸ 20 ປີ ແລະ ທ້າວຖາວອນ ອາຍຸ 29 ປີ ທັງ 3  ປະຊາຊົນຢູ່ບ້ານນ້ຳລິນ ເມືອງປາກລາຍ ແຂວງໄຊຍະບູລີ ໄດ້ຂີ່ເຮືອໄປແກ່ເອົາສາຍດອນກຸ່ມ ເຊິ່ງເປັນດອນຢູ່ຕາມນ້ຳຂອງ ເຂດບ້ານມ່ວງເໜືອ ເມືອງປາກລາຍ ໂດຍແມ່ນທ້າວລັກເປັນຜູ້ຂັບເຮືອ. ໃນຂະນະທີ່ ເຮືອຂອງພວກກ່ຽວບັນທຸກຊາຍໜັກປະມານ 3 ໂຕນ ແລ່ນມາຕາມລຳນ້ຳຂອງ ເພື່ອຈະກັບມາບ້ານນ້ຳລິນແຕ່ພໍຮອດເຂດບ້ານຫ້ວຍຊົກ ເຮືອຂອງພວກກ່ຽວໄດ້ແຕກ ແລະ ຈົມລົງນ້ຳຂອງ ເຮັດໃຫ້ນາງຝົນຈົ່ມນ້ຳເສຍຊີວິດ. ສ່ວນສາເຫດຂອງເຮືອຫຼົ້ມ ແມ່ນເກີດຂຶ້ນຍ້ອນສະພາບເຮືອເກົ່າເເກ່ ແລະ ບັນທຸກໜັກເກີນ.

 

 

Off

Comments are closed.