09th May2018

ເກີດເຫດໄຟໄໝ້ທີ່ເມືອງຄຳ ຜົນເສຍຫາຍ ເຮືອນ 32 ຫຼັງ

by somchan

ຕາມການລາຍງານຂອງເຈົ້າໜ້າທີ່ຕຳຫຼວດ ເມືອງຄຳແຂວງຊຽງຂວາງໃຫ້ຮູ້ວ່າ: ໃນວັນທີ 7 ພຶດສະພາ ເວລາປະມານ 17 ໂມງ ໄດ້ເກີດເຫດ ໄຟໄຫມ້ເຮືອນປະຊາຊົນຢູ່ບ້ານສັນແຟນເມືອງຄຳ ແຂວງຊຽງຂວາງ, ໃນນັ້ນມີເຮືອນທີ່ໄດ້ຮັບຜົນເສຍຫາຍຈາກໄຟໃໝ້ 32 ຫຼັງ,

ບ້ານດັ່ງກ່າວ ເປັນບ້ານທີ່ຢູ່ຫ່າງໄກສອກຫຼີກຈາກຕົວເມືອງ 70 ກິໂລແມັດ ຈຶ່ງເຮັດໃຫ້ການຊ່ວຍເຫຼືອຈາກເຈົ້າໜ້າທີ່ພົບຄວາມຫຍຸ້ງຍາກ. ສາເຫດຂອງການເກີດອັກຄີໄພຄັ້ງນີ້ ແມ່ນເກີດຈາກໄຟຟ້າລັດວົງຈອນ ສ່ວນມູນຄ່າເສຍຫາຍແມ່ນຍັງຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່.

Comments are closed.