07th Feb2018

ປກສ ແຂວງສະຫວັນນະເຂດ ຈັບເປົ້າໝາຍ ຄ້າຂາຍຢາເສບຕິດ 3 ຄົນ ພ້ອມຂອງກາງ 15 ມັດ

by somchan

ໃນວັນທີ່ 26 ມັງກອນ 2018 ນີ້ ເຈົ້າໜ້າທີ່ພະແນກ ຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດ ໄດ້ກັກຕົວເປົ້າໝາຍ ຄ້າຂາຍຢາເສບຕິດຢູ່ຂອບເຂດເມືອງສອງຄອນ ແຂວງສະຫວັນນະເຂດ 3 ຄົນພ້ອມຢາບ້າ 15 ມັດ ເທົ່າກັບ 30.000 ເມັດ, ຜູ້ກະທຳຜິດມີ ທ້າວ ນິນວິນຈິວ ຫຼຶ ອຸ່ນ ອາຍຸ 42 ປີ, ທ້າວ ແວວ ອາຍຸ 39 ປີ ທັງສອງປະຊາຊົນ ຢູ່ບ້ານທ່າເດືອ ແລະ ທ້າວ ຊຽງ ອາຍຸ 47 ປີ ປະຊາຊົນຢູ່ບ້ານຄຶມມ່ວນ ເມືອງສອງຄອນ ແຂວງສະຫວັນນະເຂດ.

ຜ່ານການສຶບສວນ-ສອບສວນພວກກ່ຽວຮັບສາລະພາບວ່າ: ຢາບ້າຈຳນວນດັ່ງກ່າວແມ່ນຂອງພວກກ່ຽວແທ້ ປະຈຸບັນເຈົ້າໜ້າທີ່ຕຳຫຼວດພວມດຳເນີນຄະດີຕໍ່ພວກກ່ຽວ ຕາມຂັ້ນຕອນຂອງກົດໝາຍ.

 

Off

Comments are closed.