06th Feb2018

ກົມໃຫ່ຍຕຳຫຼວດກະຊວງ ປກສ ມ້າງລາຍ ຄະດີຄ້າຂາຍຢາເສບຕິດ ພ້ອມຂອງກາງ 26 ແທ່ງ

by somchan

ເມື່ອທ້າຍເດືອນມັງກອນ 2018 ທີ່ຜ່ານມານີ້ ເຈົ້າໜ້າທີ່ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ກົມໃຫ່ຍຕຳຫຼວດກະຊວງ ປກສ  ສົມທົບກັບ ພາກສ່ວນກ່ຽວຂ້ອງມ້າງ ເປົ້າໝາຍຢາເສບຕິດ ຢູ່ເຂດຕະຫຼາດຊັງຈຽງ ເມືອງສີໂຄດຕະບອງ ນະຄອນຫຼວງວຽງຈັນ ສາມາດຈັບຜູ້ກະທຳຜິດໄດ້ 3 ຄົນ ພ້ອມຂອງກາງ ເຣໂຣອິນ 26 ແທ່ງ ໜັກ 10 ກິໂລກະລາມ ລົດໃຫ່ຍ 1 ຄັນ ຜູ້ຕ້ອງຫາໄດ້ 3 ຄົນຄື:ທ້າວ ຫຼິເຈຍໝິງ ຫຼື ອາມິງ ອາຍຸ 24 ປີ ຢູ່ບ້ານລາຊີວ ເມືອງລາຊີວ ແຂວງລາຊີວ, ທ້າວ ໄຊສາມຕິບ ອາຍຸ 29 ປີ ຢູ່ບ້ານຈຽງຕຸງ ປະເທດມຽນມາ ແລະ ທ້າວ ໄຊກູເລົາ ອາຍຸ 43 ປີ ຢູ່ບ້ານກາງໃໝ່ ເມືອງສິງ ແຂວງຫຼວງນ້ຳທາ.

ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດ ພວກກ່ຽວສາລະພາບວ່າ: ເຣໂຣອິນຈຳນວນດັ່ງກ່າວ ແມ່ນຂອງພວກກ່ຽວແທ້ ຕໍ່ກັບລາຍຄະດີດັ່ງກ່າວ ຍັງຢູ່ໃນຂັ້ນຕອນການສອບສວນຂະຫຍາຍຜົນຫາພັກພວກ ທີ່ເປັນເຄຶອຂ່າຍເພື່ອຕິດຕາມຈັບຕົວມາດຳເນີນຄະດີຕາມກົດໝາຍ.

Off

Comments are closed.