03rd Apr2019

ກັກຕົວຜູ້ຕ້ອງຫາໄດ້ 1 ຄົນ ພ້ອມຂອງກາງຢາບ້າ 18,000 ເມັດ

by somchan

ອາທິດຜ່ານມານີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ແຂວງວຽງຈັນ ໄດ້ລົງຕິດຕາມເປົ້າໝາຍຄ້າຂາຍຢາເສບຕິດຢູ່ເຂດ ລະຫວ່າງເມືອງທຸລະຄົມ ແຂວງວຽງຈັນ ແລະ ເມືອງໄຊທານີ ນະຄອນຫຼວງວຽງຈັນ ໄດ້ພົບເຫັນເປົ້າໝາຍເຄື່ອນໄຫວຄ້າຂາຍຢາເສບຕິດ ດັ່ງນັ້ນເຈົ້າໜ້າທີ່ຈຶ່ງໄດ້ເຂົ້າຈັບຕົວ ສາມາດກັກຕົວຜູ້ຕ້ອງຫາຄ້າຂາຍຢາເສບຕິດໄດ້ 1 ຄົນຄື: ທ້າວ ເອ່ຍລໍ ອາຍຸ 24 ປີ ຢູ່ບ້ານທ່າດິນແດງ ເມືອງໄຊທານີ ນະຄອນຫຼວງວຽງຈັນ ພ້ອມກັບຂອງກາງຢາບ້າ 18,000 ເມັດ.

ຜ່ານການສືບສວນ-ສອບສວນ ຜູ້ກ່ຽວໃຫ້ການສາລະພາບວ່າ: ຢາບ້າຈຳນວນດັ່ງກ່າວ ແມ່ນເປັນຂອງຜູ້ກ່ຽວແທ້ ຊຶ່ງຈະເອົາມາສົ່ງໃຫ້ກັບຄູ່ຮ່ວມຂະບວນການ ພ້ອມໝູ່ອີກ 1 ຄົນ ແຕ່ຖືກທາງເຈົ້າໜ້າທີ່ຈັບຕົວໄດ້ກ່ອນ ສ່ວນຄູ່ຮ່ວມຂະບວນການທີ່ມານຳກັນ ແມ່ນໄດ້ເອົາຕົວລົບໜີ, ປະຈຸບັນທາງເຈົ້າໜ້າທີ່ພວມດຳເນີນຄະດີຕໍ່ຜູ້ກ່ຽວ ແລະ ຕິດຕາມຄູ່ຮ່ວມຂະບວນການມາລົງໂທດຕາມກົດໝາຍ.

Off

Comments are closed.