10th Jan2019

ເຈົ້າໜ້າທີ່ ປກສ ແຂວງສະຫວັນນະເຂດ ກັກຕົວສາມຜູ້ຖືກຫາພ້ອມຢາບ້າ 10,000 ເມັດ

by somchan

 

ໃນວັນທີ່ 8 ມັງກອນ 2019 ຜ່ານມານີ້ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດໄດ້ກັກຜູ້ຖືກຫາ ຄ້າຂາຍຢາເສບຕິດ ພ້ອມຍືດຂອງກາງຢາບ້າ ຈຳນວນ 5 ມັດ ເທົ່າກັບ 10,000 ເມັດ, ລົດໃຫ່ຍ 01 ຄັນ, ໂທລະສັບ 03 ໜ່ວຍ, ປືນກະບອກ 01 ກະບອກ ແລະ ປືນກິລາອັດແກ໋ດ 01 ກະບອກ, ຜູ້ຖືກຫາທັງ 03 ຄົນຄື: ທ້າວ ແສງ ສຸລິຍາ ສີລາວີ ຫຼື ຕ້ອມ ອາຍຸ 24 ປີ ບ້ານດົງນາຄຳ, ທ້າວ ຊາຍ ຫຼື ຕາແບນ ອາຍຸ 21 ປີ ບ້ານທາດອີຮັງ ແລະ ທ້າວ ທອດ ອາຍຸ 23 ປີ ບ້ານດົງນາຄຳ ທັງສາມເປັນຄົນໄກສອນພົມວິຫານ.

ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດ ປກສ ແຂວງສະຫວັນນະເຂດ ໃຫ້ຮູ້ວ່າ: ໃນເວລາປະມານ 08 ໂມງ 30 ນາທີ ຂອງວັນທີ່ 07 ມັງກອນ 2019 ໄດ້ຮັບການລາຍງານວ່າ: ມີກຸ່ມຄົນຈຳນວນໜື່ງກຳລັງເຄື່ອນໄຫວຄ້າຂາຍສີງຜິດກົດໝາຍ ຢູ່ຕາມສາຍທາງເລກ 9 ຂອບເຂດບ້ານໜອງໂກ່ມ ຫາ ບ້ານດົງນາຄຳ ນະຄອນໄກສອນພົມວິຫານ ດັ່ງນັ້ນຈື່ງໄດ້ຈັດຕັ້ງກຳລັງລົງຕິດຕາມພິສູດແຫຼ່ງຂ່າວດັ່ງກ່າວເຫັນວ່າມີມູນຄວາມຈີງ ຈື່ງໄດ້ຈັດຕັ້ງກຳລັງວິຊາສະເພາະລົງມ້າງລາຍຄະດີດັ່ງກ່າວ ຕົກມາຮອດວັນທີ່ 08 ມັງກອນ ເວລາປະມານ 10 ໂມງ ຈື່ງເຫັນເປົ້າໝາຍ 02 ຄົນຂັບລົດໃຫ່ຍມາຕາມສາຍທາງເລກ 09 ເຈົ້າໜ້າທີ່ຈື່ງສະແດງຕົວເຂົ້າກວດຄົ້ນລົດ ແລະ ກັກຕົວຜູ້ຖືກຫາຄ້າຂາຍຢາເສບຕິດຈຳນວນ 02 ຄົນ ຄື ທ້າວ ແສງສຸລີຍາ ສາລາວີ ແລະ ທ້າວ ຊາຍ ພ້ອມຂອງກາງຢາບ້າ ຈຳນວນ 05 ມັດ ທີ່ພວກກ່ຽວເຊື່ອງໄວ້ໃນລົດ ລວມຂອງກາງທີ່ຍືດໄດ້ມີ ລົດໃຫ່ຍ 01 ຄັນ, ໂທລະສັບ 3 ໜ່ວຍ ເຮືອນຂອງທ້າວແສງສຸລີ ສາລາວີ ຢູ່ບ້ານດົງນາຄຳ ນະຄອນໄກສອນພົມວິຫານ ສາມາດກັກຜູ້ຮ່ວມຂະບວນການໄດ້ອີກ 01 ຄົນ ຄື ທ້າວ ອອດ.

ຜ່ານການສືບສວນ-ສອບສວນ ໃນເບື້ອງຕົນພວກກ່ຽວໄດ້ສາລະພາບວ່າ: ຢາບ້າຈຳນວນດັ່ງກ່າວແມ່ນຂອງພວກກ່ຽວແທ້ເຊີ່ງໄດ້ຊື້ມາຈາກຜູ້ຮ່ວມຂະບວນການຢູ່ຂອບເຂດເທດສະບານ ນະຄອນໄກສອນພົມວິຫານ ແຂວງສະຫວັນນະເຂດ ເພື່ອນຳໄປຂາຍສົ່ງຕໍ່ໃຫ້ຜູ້ຮ່ວມຂະບວນການ ແຕ່ຖືກເຈົ້າໜ້າທີ່ກັກຕົວຄືດັ່ງກ່າວຕໍ່ກັບຄະດີນີ້ເຈົ້າໜ້າທີ່ພວມດຳເນີນສືບສວນ-ສອບສວນ ເພື່ອນຳຜູ້ຮ່ວມຂະບວນການດັ່ງກ່າວມາດຳເນີນຄະດີຕາມລະບຽບກົດໝາຍຕໍ່ໄປ.

Off

Comments are closed.