10th Jan2017

ເຈົ້າໜ້າທີ່ຕຳຫຼວດກັກຕົວຄົນຮ້າຍ ກໍ່ເຫດຄາດຕະກຳ

by somchan

ໃນວັນທີ່ 9 ມັງກອນ 2017 ນີ ເຈົ້າໜ້າທີ່ຕຳຫຼວດ ສຶບສວນ-ສອບສວນ ກອງບັນຊາການ ປກສ ນະຄອນຫຼວງວຽງຈັນ ໄດ້ກັບຕົວ ທ້າວຫຼິວເຕີລິນ ອາຍຸ 36 ປີ ປະຊາຊົນ ບ້ານໜອງແຕ່ງເໜືອ ເມືອງສີໂຄດຕະບອງ ນະຄອນ ຫຼວງວຽງຈັນ ຂໍ້ຫາຄາດຕະກຳ ຜ່ານການສຶບສວນ-ສອບສວນ ຂອງເຈົ້າໜ້າທີ່ຕຳຫຼວດ ທ້າວຫຼິວເຕີລິນ ໄດ້ສາລະພາບວ່າ ເປັນຜູ້ລົງມືກໍ່ເຫດຄາດຕະກຳ ນາງສຸລິຈັນຜູ້ເປັນເມຍ ແລະ ນາງບົວສຸກ ຜູ້ເປັນນ້ອງເມຍຂອງຕົນເອງ ໃນ ເວລາປະມານ 22 ໂມງ ຂອງວັນທີ່ 8 ມັງກອນ 2017 ເຊີ່ງສາເຫດຂອງ ການກໍ່ເຫດຄາດຕະກຳ ໃນຄັ້ງນີ້ແມ່ນ ທ້າວຫຼິວເຕິລິນ ແລະ ນາງສຸລິຈັນ ໄດ້ຜິດຖຽງກັນ ກ່ຽວກັບເລື່ອງ ຂໍຢ່າຮ້າງ ແລະ ການແບ່ງປັນຊັບສີນ ເຊີງເຮັດໃຫ້ ທ້າວຫຼິວເຕີລິນ ບໍ່ພໍ່ໃຈ ແລະ ເກີດຄວາມໂມໂຫ ຈຶງໄດ້ເອົາມິດແທງ ນາງສຸລິຈັນ ຜູ້ເປັນເມຍ ແລະ ນາງບົວສຸກ ຜູ້ເປັນນ້ອງເມຍເສຍຊິວິດ ທັງສອງຄົນ;ຈາກນັ້ນໃນຕອນເຊົ້າ ຂອງມື້ຕໍ່ມາ ຄືວັນທີ່ 9 ມັງກອນ 2017 ທ້າວ ຫຼິວເຕິລິນ ຈືງໄດ້ເຂົ້າມອບຕົວກັບເຈົ້າໜ້າທີ່ຕຳຫຼວດ.

ປັດຈຸບັນເຈົ້າໜ້າທີ່ຕຳຫຼວດ ໄດ້ກັກຕົວທ້າວຫຼິວເຕິລິນ ໄວ້ພ້ອມທັງດຳເນີນ ການສຶບສວນ-ສອບສວນ ແລະ ສັນລະສູດຂໍ້ມູນຫຼັກຖານ ເພຶ່ອດຳເນີນຄະດີຕາມລະບຽບກົດໝາຍ

Off

Comments are closed.