11th Jan2019

ເຊັນບົດບັນທືກມອບ-ຮັບຜູ້ຕ້ອງຫາ ລະຫວ່າງກະຊວງປ້ອງກັນຄວາມສະຫງົບ ແຫ່ງ ສປປລາວ ກັບກະຊວງສັນຕິບານ ແຫ່ງ ສປປ ຈີນ

by somchan

ໃນວັນທີ່ 11 ມັງກອນ 2019 ນີ້ ຢູ່ທີ່ສະໝາມບີນວັດໄຕ ນະຄອນຫຼວງວຽງຈັນ, ຈີນລະຫວ່າງກະຊວງປ້ອງກັນຄວາມສະຫງົບ ແຫ່ງ ສປປລາວ ນຳໂດຍ ທ່ານ ພົຈ ປອ ຄຳມ້າວ ຫຼ້າຈັນເພັດ ຮອງຫົວໜ້າກົມໃຫ່ຍສັນຕິບານ ພ້ອມຄະນະ ,ກັບກະຊວງສັນຕິບານ ແຫ່ງ ສປປ ຈີນ ນຳໂດຍ ທ່ານ ຈ້າວເກີນ ຢວນ ຫົວໜ້າກອງສືບສວນອາຍາ ຮອງກອງບັນຊາການຕຳຫຼວດແຂວງ ເທີໜານ ພ້ອມດ້ວຍຄະນະ ໄດ້ເຊັນບົດບັນທືກມອບ-ຮັບຜູ້ຖືກຫາ ສັນຊາດ-ຈີນ ທີ່ເຄື່ອນໄຫວກໍ່ອາດສະຍາກຳທາງດ້ານໂທລະຄົມ,(CALL CENTER),ຈຳນວນ 191 ຄົນ ເພື່ອນຳໄປດຳເນີນຄະດີຢູ່ກອງບັນຊາການຕຳຫຼວດແຂວງ ເທີໜານ ສາທາລະນະລັດປະຊາຊົນຈີນ.

ຜູ້ຕ້ອງຫາຈຳນວນ 191 ຄົນ ຍີງ 31 ຄົນ ທີ່ທາງເຈົ້າໜ້າທີລາວກັກຕົວໄດ້ໃນໄລຍະ ທ້າຍເດືອນທັນວາ 2018 ທີ່ຜ່ານມາ ເຊີງເຈົ້າໜ້າທີ່ໜ່ວຍສະເພາະກິດແກ້ໄຂຄົນຕ່າງປະເທດ ກອງກໍ່ສ້າງຖາກຮານເມືອງ ນະຄອນຫຼວງວຽງຈັນ ໄດ້ສົມທົບກັບຂະແໜງການວິຊາສະເພາະ ລົງກວດກາ, ແກ້ໄຂກຸ່ມແກງຄົນຕ່າງປະເທດ ລັກປະກອບອາຊີບ ເຄືອນໄຫວກໍ່ອາດສະຍາກຳທາງດ້ານໂທລະຄົມ, ( CALL CENTER), ຜ່ານການສືບສວນ-ສອບສວນເຫັນວ່າ: ຈຳນວນ 191 ຄົນ,ຍິງ 31 ຄົນ, ແມ່ນເຄືອນໄຫວທາງດ້ານໂທລະຄົມ, ( CALL CENTER), (ຄອນເຊັນເຕີ) ແທ້ແລະຜິດຕໍ່ລະບຽບກົດໝາຍຂອງ ສປປລາວ ຈືງໄດ້ກັກຕົວພວກກ່ຽວໄວ້ ແລະ ໃນການມອບຜູ້ຖືກຫາຄັ້ງນີ້ ແມ່ນອີງຕາມສັນຍາການຮ່ວມມືລະຫວ່າງ 02 ກະຊວງປ້ອງກັນຄວາມສະຫງົບ ແຫ່ງ ສປປລາວ ກັບກະຊວງສັນຕິບານ ແຫ່ງ ສປ ຈີນ ທີ່ໄດ້ລົງນາມເຊັນສັນຍາຮ່ວມກັນ ທີ່ນະຄອນຫຼວງ ປັກກິ່ງ ເຊີ່ງເຫັນໄດ້ຄວາມສຳຄັນ ກ່ຽວກັບລັກການຮ່ວມມືສາກົນ ແລະ ໃນການຈັດຕັ້ງປະຕິບັດໃນການຊ່ວຍເຫຼືອເຊີ່ງກັນ ແລະ ກັນ ທາງດ້ານຍຸດຕິທຳ, ໃນການຕ້ານອາດສະຍະກຳຂ້າມຊາດ ແລະ ເພື່ອປົກປ້ອງສິດຜົນປະໂຫຍດອັນຊອບທຳຂອງປະຊາຊົນທັງ 02 ປະເທດ ເຊັນບົດບັນທືກມອບ-ຮັບຜູ້ຖືກຫາສັນຊາດຈີນຈຳນວນ 191 ຄົນ,ຍີງ 31 ຄົນ, ກັບຄືນປະເທດ ຕ່າງໜ້າກະຊວງປ້ອງກັນຄວາມສະຫງົບ ແຫ່ງ ສປປລາວ ລົງນາມເຊັນບົດບັນທືກມອບໂດຍ ທ່ານ ພົຈວ ປອ ຄຳມ້າວ ຫຼ້າຈັນເພັດ ຮອງຫົວໜ້າກົມໃຫ່ຍສັນຕິບານ ແຫ່ງ ສປປ ຈີນ ຮັບໂດຍ ທ່ານ ພົຕ ເທີອິງ ຫົວໜ້າພະແນກສືບຂ່າວ ກົມສື່ສານຄະດີອາຍາ ແຫ່ງ ສປປ ຈີນ ໂດຍຊ່ອງໜ້າເຈົ້າໜ້າທີ່ທັງສອງຝ່າຍ ເຂົ້າຮ່ວມເປັນສັກຂີພະຍານ.

Comments are closed.