08th Jul2019

ເຊັນບົດບັນທຶກມອບ-ຮັບອຸດໜູນ ປະກັນສຸຂະພາບຂອງກຳລັງ ປກສ

by somchan

ພິທີເຊັນບົດບັນທືກມອບ-ຮັບອຸດໜູນ ປະກັນສຸຂະພາບລະຫວ່າງຫ້ອງການ ປະກັນສຸຂະພາບແຫ່ງຊາດ ກະຊວງສາທາລະນະສຸກ ແລະ ຫ້ອງການກອງທືນປະກັນສັງຄົມແຫ່ງຊາດ ກະຊວງແຮງງານ ແລະ ສະວັດດີການສັງຄົມ ແລະ ກົມໃຫ່ຍການເມືອງ ກະຊວງປ້ອງກັນຄວາມສະຫງົບ ຈັດຂື້ນໃນວັນທີ່ 5 ກໍລະກົດນີ້ ທີ່ກະຊວງສາທາລະນະສຸກ ໂດຍການເຂົ້າຮ່ວມເປັນກຽດມີ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະວັດດີການສັງຄົມ, ພົນຕີ ປອ ສົມຫວັງທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ, ຫົວໜ້າຫ້ອງການປະກັນສຸກຂະພາບແຫ່ງຊາດ, ຫົວໜ້າຫ້ອງການກອງທືນ ປະກັນສັງຄົມແຫ່ງຊາດ ແລະ ພະນັກງານກົມກອງເຂົ້າຮ່ວມ.

ໃນພິທີເຊັນບົດບັນທືກມອບ-ຮັບອຸດໜູນ ປະກັນສຸຂະພາບໃນຄັ້ງນີ້ ເພື່ອກຳນົດຄວາມຮັບຜິດຊອບ ໃຫ້ມີຄວາມເປັນເອກກະພາບ ພາຍໃຕ້ກົດໝາຍປະກັນສັງຄົມ ລະຫວ່າງ ກົມໃຫ່ຍການເມືອງປ້ອງກັນຄວາມສະຫງົບ ແລະ ຫ້ອງການປະກັນສຸຂະພາບແຫ່ງຊາດ ກະຊວງສາທາລະນະສຸກ ແນໃສ່ເຮັດໃຫ້ການສະໜອງ ການບໍລິການປີ່ນປົວສຸຂະພາບ ໃຫ້ແກ່ສະມາຊິກກອງທືນປະກັນສັງຄົມ ປ້ອງກັນຄວາມສະຫງົບ ປະກອບສ່ວນເຂົ້າໃນການປະກັນສຸຂະພາບທົ່ວປວງຊົນ ແລະ ສືບຕໍ່ປະສານສົມທົບ ປືກສາຫາລືແລກປ່ຽນບົດຮຽນເຊີ່ງກັນ ແລະ ກັນ ໃນຕໍ່ໜ້າໃຫ້ເຕີບໃຫ່ຍເຂັ້ມແຂງ ແລະ ແໜ້ນແຟັນໃນການພົວພັນຮ່ວມມືຖືກຕ້ອງສອດຄ່ອງຕາມກົດໝາຍທີ່ໄດ້ກຳນົດໄວ້, ຈາກນັ້ນທັງສາມພາກສ່ວນໄດ້ຮ່ວມກັນເຊັນບົດບັນທືກການມອບ-ຮັບອຸດໜູນປະກັນສຸກຂະພາບຮ່ວມກັນຕາງໜ້າເຊັນ ກົມການເມືອງປ້ອງກັນຄວາມສະຫງົບ ໂດຍ ພົນຕີ ວັນທອງ ກອງມະນີ ຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ, ຫ້ອງການປະກັນສັງຄົມແຫ່ງຊາດ, ເຊັນໂດຍ ທ່ານ ປະເດີມພອນ ສົນທະນີ ຫົວໜ້າຫ້ອງການປະກັນສັງຄົມແຫ່ງຊາດ ແລະ ຫ້ອງການປະກັນສຸຂະພາບແຫ່ງຊາດເຊັນໂດຍ ປອ ບຸນແຝງ ພູມມະໄລສິດ ຫົວໜ້າຫ້ອງການປະກັນສຸຂະພາບແຫ່ງຊາດ, ໂດຍຊ່ອງໜ້າ ທ່ານລັດຖະມົນຕີ,ຮອງລັດຖະມົນຕີທີ່ໄດ້ເຂົ້າຮ່ວມ.

Comments are closed.