14th Mar2018

ເຫດການຄາດຕະກຳພໍ່ ເພາະຢາກໄດ້ເງິນ ໄປຊື້ຢາບ້າ

by somchan

ໃນວັນທີ 9 ມີນາ 2018 ນີ້ ເຈົ້າໜ້າທີ່ຕຳຫຼວດ ເມືອງໄຊທານີ ນະຄອນຫຼວງວຽງຈັນ ໄດ້ກັກຕົວທ້າວ ແສງດາວເພັດ ຫຼື ຕູ່ນີ່ ອາຍຸ 24 ປີ ປະຊາຊົນ ບ້ານໂຄກສະອາດ ເມືອງໄຊທານີ ເພື່ອດຳເນີນຄະດີ ໃນຂໍ້ຫາຄາດຕະກຳ ທ້າວຄຳແສນ ເຊິ່ງເປັນພໍ່ຂອງຜູ້ກ່ຽວ.

ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດ ຜູ້ກ່ຽວຮັບສາລະພາບວ່າ: ສາເຫດຂອງການກໍ່ເຫດຄາດຕະກຳຄັ້ງນີ້ ຍ້ອນຜູ້ກ່ຽວຢາກໄດ້ເງິນນຳແມ່ ເພື່ອໄປຊື້ຢາບ້າມາເສບ ແຕ່ຜູ້ເປັນແມ່ບໍ່ໃຫ້ ແລະ ໄດ້ເກີດຜິດຖຽງກັນ ຜູ້ເປັນພໍ່ໄດ້ອອກມາຫ້າມ ແລະ ໄດ້ຜິດຖຽງກັນຢ່າງຮຸນແຮງ ຈຶ່ງເຮັດໃຫ້ທ້າວ ແສງດາວເພັດ ເກີດຄວາມໂມໂຫ ຈິ່ງໄດ້ໄປຈັບເອົາມິດຢູ່ເຮືອນຄົວ ແທງທ້າວຄຳແສນ ເສຍຊີວິດ.

ພັຕ ບຸນມີ ແກ້ວພົມມາ ຮອງຫົວໜ້າພະແນກຕຳຫຼວດສືບສວນ-ສອບສວນ ປກສ ເມືອງໄຊທານີ ຍັງໄດ້ລາຍງານໃຫ້ຮູ້ຕື່ມອີກວ່າ: ຕໍ່ກັບຄະດີດັ່ງກ່າວ ປັດຈຸບັນ, ເຈົ້າໜ້າທີ່ຕຳຫຼວດພວມປະກອບສຳນວນຄະດີ ສົ່ງໄອຍາການປະຊາຊົນ ສັ່ງຟ້ອງໃຫ້ສານຕັດສິນລົງໂທດຜູ້ກ່ຽວຕາມກົດໝາຍ.

 

Off

Comments are closed.