30th Mar2018

ເຫດການຄາດຕະກຳ ຢູ່ເຂດເສັ້ນທາງ 450 ປີ

by somchan

ເມື່ອທ້າຍເດືອນກຸມພາ 2018 ທີ່ຜ່ານມາ ເຈົ້າໜ້າທີ່ຕຳຫຼວດ ປກສ ເມືອງນາຊາຍທອງ ນະຄອນຫຼວງວຽງຈັນ ສາມາດກັກຕົວຜູ້ຕ້ອງຫາ 4 ຄົນ ທີ່ກໍ່ເຫດຄາດຕະກຳ ທ້າວສອນໄຊ ຫຼື ເກີ່ ອາຍຸ 15 ປີ ປະຊາຊົນບ້ານໂພນສະຫວາດເໜືອ ເມືອງສີໂຄດຕະບອງ ນະຄອນຫຼວງວຽງຈັນ ຢູ່ເຂດເສັ້ນທາງ 450 ປີ ເມືອງໄຊເສດຖາ ນະຄອນຫຼວງວຽງຈັນ. ໃນວັນທີ 20 ກຸມພາ 2018 ຜູ້ຕ້ອງຫາທັງ 4 ຄົນມີ: ທ. ທອງວັນ ຫຼື ຫຼົງ ອາຍຸ 17 ປີ, ຢູ່ບ້ານທົ່ງຂັນຄຳ ເມືອງຈັນທະບູລີ, ທ້າວຕາວັນ ຫຼື ປູ ອາຍຸ 16 ປີ ຢູ່ບ້ານນາຊາຍທອງເໜືອ, ເມືອງນາຊາຍທອງ, ທ້າວດີໂດ້ ອາຍຸ 17 ປີ ຢູ່ບ້ານນາພອກ ເມືອງໄຊທານີ ແລະ ທ້າວແພ ອາຍຸ 14 ປີ ຢູ່ບ້ານສີໄຄທົ່ງ ເມືອງສີໂຄດຕະບອງ.

ຜ່ານການສືບສວນ-ສອບສວນຂອງເຈົ້າໜ້າທີ່ ທັງ 4 ຄົນຮັບສາລະພາບວ່າ: ໃນວັນທີ 20 ກຸມພາ 2018 ໄດ້ຮ່ວມກັນລົງມືຄາດຕະກຳ ທ້າວສອນໄຊຫຼືເກີ ແທ້, ສາເຫດແມ່ນຍ້ອນພວກກ່ຽວຜິດຖຽງກັນ ໃນເວລາດື່ມເບຍ ຢູ່ຫ້ອງເຊົ່າສຂອງທ້າວດີໂດ້ ຢູ່ເຂດບ້ານ ຈາກນັ້ນທັງ 4ຈຶ່ງໄດ້ວາງແຜນພາທ້າວສອນໄຊ ໄປຄາດຕະກຳຢູ່ເຂດເສັ້ນທາງ 450 ປີ ຫາບ້ານໂຊກນ້ອຍດ້ວຍການເອົາໄມ້ຄ້ອນທຸບຕີຕາມຕົນໂຕ ຂອງທ້າວສອນໄຊຈົນເສຍຊີວິດ.

ປະຈຸບັນ , ເຈົ້າໜ້າທີ່ຕຳຫຼວດເມືອງນາຊາຍທອງພວມດຳເນີນຄະດີຕໍ່ພວກກ່ຽວຕາມກົດໝາຍ.

Off

Comments are closed.