31st Jul2019

ເຫດຄາດຕະກຳຍ້ອນຄວາມຫືງຫວງ

by somchan

ໃນວັນທີ 29 ກໍລະກົດ 2019 ນີ້ ເວລາປະມານ 10 ໂມງ ເຈົ້າໜ້າທີ່ ແລະ ພະແນກຕຳຫຼວດ ສືບສວນ-ສອບສວນ ປກສ ນະຄອນຫຼວງວຽງຈັນ ໄດ້ຮັບແຈ້ງຄວາມຈາກ ປກສ ເມືອງໄຊເສດຖາ ວ່າມີເຫດການຄາດຕະກຳຢູ່ ບ້ານ ຊຽງດາ ເມືອງໄຊເສດຖາ, ເຈົ້າໜ້າທີ່ຕຳຫຼວດຈື່ງໄດ້ປະສານສົມທົບ ກັບພາກສ່ວນທີ່ກ່ຽວຂ້ອງລົງກວດກາສະຖານທີ່ ເກີດເຫດພົບເຫັນຜູ້ເສຍຊີວິດ 2 ຄົນ ຄື: ນາງ ນ້ຳຝົນ ອາຍຸ 23 ປີ ຢູ່ ບ້ານ ຊຽງດາ ແລະ ທ້າວ ພອນໄຊ ອາຍຸ 44 ປີ ຢູ່ ບ້ານໜອງບົວທອງເໜືອ ເມືອງສີໂຄດຕະບອງ ນະຄອນຫຼວງວຽງຈັນ. ສາເຫດຂອງການຄາດຕະກຳ ໃນຄັ້ງນີ້ຍ້ອນ ທ້າວ ພອນໄຊ ມີຄວາມຫືງຫວງ ນາງ ນ້ຳຝົນ, ເຊີ່ງພວກກ່ຽວ ໄດ້ມີການພົວພັນກັນແບບຊູ້ສາວ ມາໄດ້ໄລຍະໜື່ງແລ້ວ, ຈົນເຖີງມື້ເກີດເຫດ ທ້າວ ພອນໄຊ ໄດ້ນຳໃຊ້ປື້ນ ອາກາ(AK) ຍີງ ນາງ ນໍ້າຝົນ ຫຼັງຈາກນັ້ນກໍ່ໄດ້ຍີງຕົນເອງ ເຮັດໃຫ້ທັງສອງເສຍຊີວິດ

ປັດຈຸບັນເຈົ້າໜ້າທີ່ຕຳຫຼວດ ພວມດຳເນີນການສືບສວນ-ສອບສວນ ບຸກຄົນທີ່ເຫັນເຫດການ ແລະ ຮວບຮ່ວມຂໍ້ມູນຫຼັກຖານ ເພື່ອຢັ້ງຢືນ ເຖີງສາເຫດທີ່ແທ້ຈີງຂອງການຄາດຕະກຳ ລວມເຖີງທີ່ມາຂອງອາວຸດທີ່ຖືກນຳໃຊ້ ໃນການກໍ່ເຫດຄາດຕະກຳໃນຄັ້ງນີ້

Off

Comments are closed.