04th Oct2018

ເອກອັກຄະທູດແຫ່ງ ສປ ຈີນ ເຂົ້າອຳລາ ໜ້າທີ່ຕໍ່ລັດຖະມົນຕີ ກະຊວງປ້ອງກັນ ຄວາມສະຫງົບ

by somchan

ພົຕ ສົມແກ້ວ ສີລາວົງ ລັດຖະມົນຕີ ກະຊວງປ້ອງກັນຄວາມສະຫງົບ, ໄດ້ຕ້ອນຮັບການເຂົ້າຢ້ຽມອຳລາ ຂອງທ່ານ ຫວາງ ເຫີວນທຽນ ເອກອັກຄະລັດສະທູດວິສາມັນ ຜູ້ມີອຳນາດເຕ້ມ ແຫ່ງສາທາລະນະລັດ ປະຊາຊົນ ຈີນ ປະຈຳລາວ ໃນວັນທີ 3 ຕຸລານີ້, ຢູ່ທີ່ຫ້ອງຮັບແຂກ ກະຊວງປ້ອງກັນຄວາມສະຫງົບ. ເນື່ອງໃນໂອກາດທີ່ທ່ານໄດ້ສຳເລັດໃນການປະຕິບັດໜ້າທີ່ວຽກງານ.

ໃນໂອກາດນີ້ ທ່ານລັດຖະມົນຕີ ກະຊວງປ້ອງກັນຄວາມສະຫງົບ ໄດ້ສະແດງຄວາມຕ້ອນຮັບຢ່າງອົບອຸ່ນ ມີໄມຕີຈິດມິດຕະພາບ ແລະ ຕີລາຄາສູງຕໍ່ການປະກອບສ່ວນອັນໃຫ່ຍສຳຄັນ ໃນການຮ່ວມມືດ້ານວຽກງານຕ່າງໆ ໄລຍະຜ່ານມາເວົ້າລວມ ເວົ້າສະເພາະການພົວພັນຮ່ວມ ລະຫວ່າງສອງກະຊວງປ້ອງກັນຄວາມສະຫງົບ ລາວ-ຈີນ ໃນການສະກັນກັ້ນ ແລະ ແກ້ໄຂປະກົດການຫຍໍ້ທໍ້, ການຊ່ວຍເຫຼືອເຊີ່ງກັນ ແລະ ກັນດ້ານວຽກງານ ວິຊາສະເພາະການສ້າງບຸກຄະລາກອນຕ່າງໆ ໃຫ້ກັບກະຊວງງປ້ອງກັນຄວາມສະຫງົບ ລາວ ແລະ ພ້ອມນີ້ ທ່ານລັດຖະມົນຕີ ກະຊວງປ້ອງກັນຄວາມສະຫງົບຍັງໄດ້ສະແດງຄວາມຍ້ອງຍໍຊົມເຊີຍ ຕໍ່ທ່ານຫວາງ ເຫວີນທຽນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ຈີນ ປະຈຳ ສປປ ລາວ ທີ່ໄດ້ສຳເລັດໜ້າທີ່ ໃນການດຳລົງຕຳແໜ່ງເອກອັກຄະລັດຖະທູດ ປະຈຳລາວ ອວຍພອນໃຫ້ ທ່ານກັບຄືນປະເທດ ດ້ວຍຄວາມ ສະຫວັດດີພາບມີຄວ່ມສຸກໃນຊີວິດຄອບຄົວ ແລະ ມີຜົນສຳເລັດໃນໜ້າທີວຽກງານ.

ພ້ອມນີ້ ທ່ານ ຫວາງ ເຫີວນທຽນ ກໍ່ໄດ້ສະແດງຄວາມຂອບໃຈທີ່ກະຊວງປ້ອງກັນຄວາມສະຫງົບໄດ້ໃຫ້ການຮ່ວມມືຊ່ວຍເຫຼືອຕະຫຼອດມາ ແລະ ຈະນຳເອົາຄວາມສາມັກຄີຮັກແພງ ແລະ ການພົວພັນນີ້ໄປສືບຕໍ່ຈັດຕັ້ງຜັນຂະຫຍາຍໃນການພົວພັນຮ່ວມມື ເພືອນມິດຍຸດທະສາດລະຫວາງສອງປະເທດ ກໍ່ຄືກະຊວງປ້ອງກັນຄວາມສະຫງົບ ລາວ-ຈີນ ໃຫ້ແຕກດອກອອກຜົນຍີງໆຂື້ນ.

 

 

Off

Comments are closed.