13th Apr2018

ເຮັດໃຫ້ການສະເຫຼີມສະຫຼອງບຸນປີໃຫມ່ລາວ ພສ 2561 ມີຄວາມສະຫງົບປອດໄພ.

by somchan

ເພື່ອເຮັດໃຫ້ການສະເຫຼີມສະຫຼອງບຸນປີໃຫມ່ລາວ ພສ 2561 ນັບແຕ່ວັນທີ 14-16 ເມສາ 2018 ມີຄວາມສະຫງົບປອດໄພ ແລະ ເຕັມໄປດ້ວຍບັນຍາກາດເບີກບານມ່ວນຊື່ນ ຕິດພັນກັບການສົ່ງເສີມການທ່ອງທ່ຽວລາວ, ຮັບປະກັນຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມສະອາດຈົບງາມ ໂດຍສະເພາະໃນທົ່ວນະຄອນຫຼວງວຽງຈັນ.

ພັນໂທ ຢຸດຕະພົງ ສຸວັນນະສິງ ຫົວໜ້າພະແນກຕຳຫຼວດຈະລາຈອນນະຄອນຫຼວງວຽງຈັນ ໃດ້ໃຫ້ສຳພາດວ່າ: ໃນໄລຍະບຸນປີໃຫມ່ລາວນີ້ ເພື່ອຮັບປະກັນບໍ່ໃຫ້ການຈະລາຈອນແອອັດ ຢູ່ແຕ່ລະເສັ້ນທາງ ໃນນະຄອນຫຼວງວຽງຈັນ , ກຳລັງຕຳຫຼວດຈະລາຈອນໄດ້ສ້າງແຜນສະເພາະ ໃນພື້ນທີ່ຂອງນະຄອນຫຼວງວຽງຈັນ ໂດຍສະເພາະແມ່ນບັນດາເສັ້ນທາງຫຼັກຕ່າງໆ, ເຊິ່ງມີກຳລັງຈະລາຈອນທັງໝົດ 599 ຄົນ, ໄດ້ແບ່ງຄວາມຮັບຜິດຊອບ ເປັນສອງພາກສ່ວນ ຄື: ວົງນອກ ແລະ ວົງໃນ. ເຮັດໜ້າທີ່ຢ່າງເຂັ້ມງວດ. ນຳໃຊ້ມາດຕະການບັງຄັບໃຊ້ກົດໝາຍເຊັ່ນ: ການຄວບຄຸມຄວາມໄວ, ກວດກາທາດເຫຼົ້າ, ຕັ້ງຈຸດກວດກາ ແລະ ອອກເຄື່ອນໄຫວຕາມສາຍທາງ ເພື່ອກວດກາ ກ່າວເຕືອນເຕື່ອນຜູ້ລະເມີດ ຕໍ່ຄຳສັ່ງ ແລະ ແຈ້ງການຂອງເຈົ້າຄອງນະຄອນຫຼວງວຽງຈັນ,​ ເພື່ອສະກັດກັ້ນບໍ່ໃຫ້ເກີດອຸປະຕິເຫດ ຢູ່ນະຄອນຫຼວງວຽງຈັນ.

Off

Comments are closed.