28th May2018

ຖະແຫຼ່ງຂ່າວການຈັບຕົວຄົນຮ້າຍທີ່ປຸ້ນ ທະນາຄານ 2 ຄັ້ງ ຢູ່ເມືອງໄຊທານີ

by somchan

ໃນວັນທີ 20 ພຶດສະພາ 2018 ນີ້ ພັທ ຈັນຫອມ ແກ້ວສຸລະໄຊ ຫົວໜ້າຫ້ອງຕຳຫຼວດ ປກສ ນະຄອນຫຼວງວຽງຈັນ ໄດ້ຖະແຫຼ່ງຂ່າວ ການຈັບຄົນຮ້າຍທີ່ກໍ່ເຫດປຸ້ນທະນາຄານ ພົງສະຫວັນ ສາຂາພະຂາວ ເມືອງໄຊທານີ ນະຄອນຫຼວງວຽງຈັນ ໃນຄັ້ງວັນທີ 10 ເມສາ 2018 ໄດ້ເງິນຈຳນວນ 82 ລ້ານກວ່າກີບ ແລະ ປຸ້ນທະນາຄານສົ່ງ ເສີມກະສິກຳ ສາຂາທ່າງ່ອນ ເມືອງໄຊທານີ ນະຄອນຫຼວງວຽງຈັນ ໄດ້ເງິນ 54 ລ້ານກວ່າກີບ,

ເຊິ່ງການປຸ້ນທະນາຄານທັງສອງຄັ້ງນັ້ນ ເຈົ້າໜ້າທີ່ ປກສ ນະຄອນຫຼວງວຽງຈັນ, ປກສ ເມືອງໄຊທານີ ນະຄອນຫຼວງວຽງຈັນ ໄດ້ປະສານສົມທົບກັບທຸກພາກສ່ວນກ່ຽວຂ້ອງລົງເກັບກຳຂໍ້ມູນຫຼັກຖານ ຄັດຈອນເປົ້າໝາຍຈົນສາມາດນຳຈັບຕົວຜູ້ກະທຳຜິດໄດ້ 1 ຄົນໃນວັນທີ 24 ພຶດສະພາ 2018 ນີ້ ຄື: ທ້າວ ສົມສະນິດ ຫຼືຕູ່ ອາຍຸ 27 ປີ ປະຊາຊົນ ຢູ່ບ້ານດົງໝາກຄາຍ ເມືອງໄຊທານີ ນະຄອນຫຼວງວຽງຈັນ.

ຜ່ານການສຶບສວນ-ສອບສວນຂອງເຈົ້າໜ້າທີ່ຜູ້ກ່ຽວໄດ້ສາລະພາບວ່າ: ການປຸ້ນທະນາຄານທັງສອງຄັ້ງນັ້ນ ແມ່ນຕົນເອງເປັນຜູ້ກໍ່ເຫດປຸ້ນໂດຍໄດ້ຮ່ວມກັບພັກພວກອີກ 2 ຄົນ ທີ່ພວມເອົາຕົວລົບໜີ.

Off

Comments are closed.